Puyan 2:13 - Maung A Balita Biblia

¹³ Amtak a manaayam kad kawalaan na trono nen Satanas. Anggaman ontan, siansian matoor kad siak. Ag mo binenegay pananisiam ed siak ya anggan nen si Antipas a matoor kon tasi et pinatey dad kawalaan mo a panaayaman nen Satanas.

Maung a Balita Biblia

¹³ Amtak a manaayam kad kawalaan na trono nen Satanas. Anggaman ontan, siansian matoor kad siak. Ag mo binenegay pananisiam ed siak ya anggan nen si Antipas a matoor kon tasi et pinatey dad kawalaan mo a panaayaman nen Satanas.

Puyan 2:13 Iomraidhean Croise

Mateo 10:23

No pairapen da kayod sakey a baley, batik kayod sananey. Kuankod sikayo: kasakbayan a naakar yoy amin a baley na Israel, onsabi lay Anak na Too.

Mateo 24:9

“Erelen da kayon pairapen, insan da kayo ni pateyen. Bosulen kayoy amin a totoo lapud siak.

Mateo 4:10

Inkuanen Jesus, “Ekal ka dia, Satanas! Ta ibabagay Masanton Sulat: ‘Igalang moy Katawan a Dios mo, tan sikato labat so panlingkuran mo!’”

Lucas 21:17

Bosulen kayoy amin a katoowan lapud siak,

Saray Gawgawa 22:20

Nen pateyen day Esteban a tasim, wadman ak. Inabuloyan koy impamatey dad sikato, tan siak so angasikasod saray kawes da ray amatey ed sikato.’

Saray Gawgawa 9:14

Walay awit ton pakayarin nanlapud saray manonan papari, tan linma diad Damasco a mangerel ed amin ya ontatawag ed ngaran mo.”

1 TESALONICA 5:21

Subok yoy amin a bengatla tan pili yo ray maung.

1 Timoteo 5:8

Balet siopamay ag mangasikasod kakanayon to, lautlad saray kabyangay dilin pamilya to, imbeneg to lay pananisia tan alabas ni nen say aliwan mananisia.

2 Timoteo 1:13

Gawam ya oliran na bilay mo ray imbangat kod sika, ta katwaan iran salita. Mansiansia kad pananisia tan panangaro, a wala rad sikatayo lapud pikakasakey ed Cristo Jesus.

2 Timoteo 2:12

No ituloy tayoy mantepel, nakaiba ti met a manoley. No sikato so ibori tayo, sikatayo met so ibori to.

Saray Hebreo 10:23

Paeleten tayoy ilalo tayo tan ag tayo mapaga, ta matoor so Dios a nansipan ed sikatayo.

Saray Hebreo 3:6

Balet si Cristo matoor ya Anak ya inkargadod abung na Dios. Sikatayoy abung to, no mansiansiay panagmatalek tan biskeg na linawa tayo ed iilaloan tayo.

Santiago 2:7

Aliwa kasin sikaray mansasalitay maoges a sumpad gagalangen a ngaran a niiter ed sikayo?

Puyan 1:5

tan manlapu met ed Jesu-Cristo, say matoor a tasi, say pangulowan ya Anak ya inmolid bilay, tan sikato so manoley ed saray arari diad tapew na dalin. Inaro itayo nen Jesu-Cristo tan diad panamegley na dala to, imbolus to itayod saray kasalanan tayo.

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.”

Puyan 12:11

Tinaloy agagi tayo so Diablo, diad panamegley na dala na Kordiro tan diad panamegley na impantasi rad katwaan; ag da kinawanay bilay da tan nilabay day anggan ompatey.

Puyan 13:2

Singa liopardo man ya ayep ya anengneng ko. Singa sali na uso ray sali to, tan singa sangiy lion so sangi to. Inter na dragon ed samay ayep so dilin pakayari to, say trono to, tan say baleg a pakaoley to.

Puyan 14:12

Kanyan nakaukolan a mananos iray totooy Dios, saray manusumpal na ganggay Dios tan matoor irad kinen Jesus.

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”

Puyan 17:6

Anengneng kon samay bii abuek na dala da ray totooy Dios tan saray pinapatey lapud matoor irad kinen Jesus. Mankelaw ak a maung nen anengneng ko may bii.

Puyan 2:2

Amtak iray ginagawam; tan amtak no panoy impankekesaw tan impanaanos mo. Amtak ya ag mo ra naanosay maoges a totoo. Sinubok mo ray mangibabagan apostol ira anta andi, tan nalmoan mon matila ra.

Puyan 3:11

Magano lay isabik. Asikasom iray walad sika, pian anggapoy makasamsam ed koronam.

Puyan 3:3

Nunot mon maung sirin no anto ray nibangat ed sika tan nadngel mo. Sumpal mo ra, tan mampatauli ka. No ag ka onliing, singa ak matakew ya onlad sika—ag mo amta so oras na isabik.