Puyan 18:3 - Maung A Balita Biblia

³ Ta inminom iray amin a katoowan na alak na inmoralidad to. Akikaloguran ed sikato ray arari na dalin, tan minmayaman iray nigosianti lapud ag naperan panagkasalanan to.”

Maung a Balita Biblia

³ Ta inminom iray amin a katoowan na alak na inmoralidad to. Akikaloguran ed sikato ray arari na dalin, tan minmayaman iray nigosianti lapud ag naperan panagkasalanan to.

Puyan 18:3 Iomraidhean Croise

Isaias 47:15

Onyay pasen da ray astrologon pangipapanonan mo nanlapu lad impanogaw mo. Taynanan da ka tan onla la rad labay dan laen, tan anggapod sikaray natilak a mangilaban ed sika.”

Jeremias 51:34

Tinetegteg na ari na Babilonia so Jerusalem, insan to kinan. Impagmaliw toy siudad a singa pasig a nakalay karga; singa dragon ya ayep ya angakmon ed siudad. Inaala toy labalabay to, insan to imbantak iray nakdaan.

Jeremias 51:7

Nen saman, say Babilonia et singa balituk a kupa a walad limak, tan buebueken koy intiron mundo. Ininom na saray bansa so alak to, kanyan nakalan iray kalakal.

Saray Tagleey 4:5

Ompapatey ed eras diad saray dalan iray totoon gendat a maung so kakanen da; manaanap ed basuraan na napambilay da iray totoon binmaleg ed inawa.

Nahum 3:4

Nadudusa la so Ninive ya aliling toy marotak a bii. Makaay-ayat tan makapatey so ganggana to, kanyan pinalikdo to ray bansa tan inaripen to ra.

Lucas 7:25

Anton talaga so labay yon nengnengen? Sakey a toon akakawes na marakep? Walad saray palasio ray mankakawes na mararakep tan mambibilay ed inawa!

1 Timoteo 5:11

Ag mo ipipilad listaan iray balon bibii a malangwer ni, ta no say pilalek dad liket na laman et magmaliw a lalon ompetang nen say panlilingkur dad Cristo, miasawa ra lamet.

Puyan 14:8

Tinmombuk so kumadwan anghil ya inkuanto, “Apaktak la! Apaktak lay Babilonia a makapanyari! Initdan toy alak iray amin a katoowan tan impasoot ton inomen da—say alak na kasalanan ton maoges a pilalek na laman!”

Puyan 17:2

Saray arid dalin akikaloguran ed sayan bii, tan saray totood tapew na dalin abuek iray alak na kasalanan tan inmoralidad.”

Puyan 18:19

Ininan day dapul so olo ra, mannangnangis tan maerermen ira tan inkuanda, “Makapataktakot! Makapasinagem so agawad makapanyarin siudad! Minmayaman ya amin iray walay barko ra, lapud kayamanan to. Balet diad loob na sakey oras, naandipat to yan amin!”

Puyan 18:23

Ag ka met lan balut naliwawaay anggan anton silewan; ag lan balut narengel ed sika so maliket a bosis da ray mankasal. Ta nagmaliw a makapanyarid mundo iray nigosiantim tan nilokom iray amin a bansa lapud panagsalamangkam!”

Puyan 18:7

No kaonungay impanpasirayew tan impankasalanan to na inmoralidad, ontan met so iter yon irap tan ermen ed sikato. Ta naynay ton ibagad sikaton dili: ‘Riyna ak, aliwan balo, a manyod-yorung dia! Ag kon balut nasagmak so ermen!’

Puyan 18:9

Samay siudad panermenan tan nangisan na saray ararid tapew na dalin ya akikaloguran tan akiliket ed sikato, leleg dan nenengnengen so asewek na kapopoolan to.