Puyan 18:22 - Maung A Balita Biblia

²² Ag lan balut narengel ed sika iray togtog na arpa, plauta, tan trumpita! Ag lan balut nanengneng ed sika iray marunong a gumagaway antokaman, tan ag lan balut narengel ed sika ray tanul na gilingan!

Maung a Balita Biblia

²² Ag lan balut narengel ed sika iray togtog na arpa, plauta, tan trumpita! Ag lan balut nanengneng ed sika iray marunong a gumagaway antokaman, tan ag lan balut narengel ed sika ray tanul na gilingan!

Puyan 18:22 Iomraidhean Croise

Say Libro nen Job 3:7

magmaliw komun ya andi-kakanaan tan anggapoy liket.

Ecclesiastes 12:4

Ag mo met lad satan narengel so tanul ed dalan. Singa labat esaes so pakarengel mod ungol na gilingan, odino say togtog na musika, balet nabangon kad oni na manok.

Isaias 23:12

Siudad na Sidon, angangga lay liket mo tan napapairap la ray totoom. Anggan ombatik irad Chipre, siansian ag ni ra makaarawid kaatapan. (

Jeremias 16:9

Dengel kad siak a Katawan a Makapanyarin-amin, say Dios na Israel, ed nepeg kon ibaga. Patondaen ko ray tanul na likeliket tan gayaga, tan say sayaksak na saray nubio tan saray nubia ed sayan pasen. Saray totoo dia mambilay ira ya anggad pakanengneng dan nagawa ya.

Jeremias 25:10

Patondaen ko ray paneeyag dad liket tan gayaga tan saray maliket a tanul ed saray bansal. Naandian ira na larak a para saray lamparaan da tan saray trigo.

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Jeremias 7:34

Magmaliw a kabueran so dalin. Pansamputen ko ray tanul na liket tan gayaga diad saray siudad na Juda tan diad saray dalan na Jerusalem tan saray maliket a tanul na bansal.

Ezekiel 26:13

Patondaen kon amin iray kansion mo, tan saray togtog na saray arpam.

Mateo 9:23

Nen sinmabiy Jesus ed abung to may opisyal, anengneng to ray musikon managtogtog ed pompon tan saray totoon kingalangal.