Puyan 18:13 - Maung A Balita Biblia

¹³ saray kanila, rikado, insinso, mira, tan pabalingit; saray alak tan larak, arina tan trigo, saray baka tan karniro, kabayo tan karwahi, saray aripen, tan pati say bilay na too.

Maung a Balita Biblia

¹³ saray kanila, rikado, insinso, mira, tan pabalingit; saray alak tan larak, arina tan trigo, saray baka tan karniro, kabayo tan karwahi, saray aripen, tan pati say bilay na too.

Puyan 18:13 Iomraidhean Croise

1 Saray Arari 10:10

Insan samay riyna na Seba initdan toy Solomon na ngalngali limaran toniladan balituk tan saray amayamay a rikado tan alahas. Diad amin da ray rikadon naawat nen Solomon ed anggan anton panaon, sankarakelan ira yay inter to. (

1 Saray Arari 10:15

likud ed buis na saray nigosianti, tan saray iiter na saray ararid Arabia, tan saray gobirnador na distrito na Israel.

1 Saray Arari 10:25

Balang sakey a linma inawitan to na rigalo—saray kagawaan a balituk tan pilak, saray kawes, saray armas, saray rikado, saray kabayo, tan saray mula. Tinaon yan nagagawa.

1 Saray Awaran 5:21

Asamsam dad saray kalaban da iray limamplon libo a kamilyo, duan lasus limamplon libo a karniro, tan duan libon asno. Inawit da ray adakep dad bakal a sanlasus libon totoo.

2 Saray Awaran 9:9

Insan samay riyna na Seba initdan toy Solomon na ngalngalin limaran toniladan balituk tan saray amayamay a rikado tan alahas. Diad amin da ray rikadon naawat nen Ari Solomon ed anggan anton panaon, sankaabigan ira yay inter nen riyna na Seba. (

Nehemias 5:8

Inkuankod sikara, “Gagawaen tayoy anggaay nayarian tayon manondon ed saray agagi tayon Judio a nilako rad saray arum a bansa. Natan balet, papasooten yo ray agagi yo ya ilako ray sikaran dili ed sikayo a kapara ran Judio!” Ag makaskasel iray pangulo tan anggapoy nibaga ra.

Exodo 21:16

“Siopamay mamasoot a mangala na too ya ilako to odino aripenen to, nepeg a pateyen.

Probirbio 7:17

Pinabalingitan ko na mira, aloe, tan kanila.

Kanta nen Solomon 1:3

Ambalbalingit ka, singa mansamiong a pabalingit so ngaran mo. Kanyan amin a marikit aroen da ka.

Kanta nen Solomon 3:6

Anto yay onsasabin singa lusek na asewek a manlalapud kalawakan, abalingitan na insinso tan mira, say insinson ilalako da ray nigosianti?

Kanta nen Solomon 5:5

Akaparaan ak la a mamaloob ed sikato. Apoyukan la na mira so intiron limak, ambasa-basa na mira iray gamet ko, nen inegnaan ko may lokasay puirta.

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Ezekiel 27:13

Nannigosio ka ed Grecia, Tubal, tan Mesec tan insumbat mo na saray aripen tan saray kagawaan a gansa iray bengatlan lakom.

Amos 2:6

Say Katawan kuanto, “Nankakasalanan iray totood Israel, kanyan andi-saew a dusaen ko ra. Ilalako ran aripen iray lalakin matonung ya ag da nabayaray utang da, saray mairap-bilay ya ag da nayarian a bayaran so anggan bili na sankatopag a sandalya.

Amos 6:6

Saray bason ankabaleg so paniinoman yod saray alak tan sankabalingitan a pabalingit iray ipopoyuk yo, balet ag yo eermenan so kaderal na Israel.

Amos 8:6

Makalako kami met la na mablin trigo, anggaman ya andi-kana la ra. Mananap kami na toon mairap-bilay ya ag to nabayaray utang ton anggan say bili labat na sankaparis a sandalya, insan mi la saliwaen ya aripen.”

Deuteronomio 24:7

“Nepeg a pateyen so siopaman a mangalay kapara ton Israelita tan aripenen to odino ilako ton sakey ya aripen. Diad ontan, napaandipat yo yan kaogsan.

Deuteronomio 28:68

Say Katawan papawilen to kayod Egipto ya akalogan ed saray bapor, anggaman ya imbaga ton ag kayo lad man ompawil. Salien yon ilakoy sikayon dili ya ariripen na saray kalaban yo, balet anggapoy malabay a manaliw ed sikayo.”

1 Timoteo 1:10

saray managgaway inmoralidad, saray lalakin miaakdul ed kapara ran lalaki, saray managalay ogaw, saray matitila, saray tasin tilay tatasian da tan saray manggagaway antokaman ya onsumlang ed tuan bangat.

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

Puyan 18:14

Ikuanda ray nigosiantid sikato, “Anggapo la ray maung a bengatlan nampilalekan mo a kayaryanen. Anggapo la ray kayamanan mo tan say gangganam; ag mo la ra napapawil!”

Puyan 18:15

Ag onasingger iray nigosiantin minmayaman ed saman a siudad, ta antakot irad paniirap to. Manermen tan onangis ira,