Puyan 18:10 - Maung A Balita Biblia

¹⁰ Manalagey irad arawi, ta antakot irad paniirap to. Ikuanda, “Makapataktakot! Adusa ka, sikan bantug tan makapanyarin siudad na Babilonia ed loob labat na sakey oras!”

Maung a Balita Biblia

¹⁰ Manalagey irad arawi, ta antakot irad paniirap to. Ikuanda, Makapataktakot! Adusa ka, sikan bantug tan makapanyarin siudad na Babilonia ed loob labat na sakey oras!

Puyan 18:10 Iomraidhean Croise

Isaias 21:9

Kabebekta nitan la ray lalaki, akakabayo ra tan sanderwa ran nanoolup. Imbawag na samay guardia, “Atalo lay Babilonia! Walad dalin tan atemektemek iray amin a talintaoy diriyos a gagalangen da.”

Isaias 47:9

Balet diad sakey a bekta, diad sakey ya agew, nagawa ra yan dua ed sika. Anggan antoy panggawam na amin a salamangka, nabalang moy asawam tan saray anak mo.

Jeremias 30:7

Onsasabi so sakey a makapataktakot ya agew; anggapoy agew a makapipara ed sikato— sikatoy panaon a kagunigon na saray totook, balet nayarian dan agwantaan.”

Ezekiel 32:9

“Amayamay iray bansan nagunigon no ikayat ko ed saray ag mo ni nadngelan a bansa so balitan nipaakar ed kaderal mo.

Joel 1:15

Asingger lay agew na KATAWAN, say agew ya iyakar na Makapanyarin-amin so deral. Makapataktakot yan agew!

Amos 5:16

Kanyan say Katawan a Dios a Makapanyarin-amin kuanto, “Walay nagawan panaagugolan tan panaakisan ed saray dalan. Anggan saray dumaralus natawag iran milamay a kaiba da ray inupaan a milamay.

Saray Bilang 16:34

Amin da ray totood Israel a wadman et batik ira nen nadngel day akis da. Inmeyag ira, “Batik kayo! Ompan akmunen itayo met na dalin!”

Puyan 11:8

tan naonat-onat iray bangkay da ed dalan na baleg a siudad, a dia nipasak ed krus so Katawan da. Sodoma o Egipto so maispiritun ngaran to yan siudad.

Puyan 14:8

Tinmombuk so kumadwan anghil ya inkuanto, “Apaktak la! Apaktak lay Babilonia a makapanyari! Initdan toy alak iray amin a katoowan tan impasoot ton inomen da—say alak na kasalanan ton maoges a pilalek na laman!”

Puyan 16:19

Nankatlon apisag so makapanyarin siudad, tan nagnagba ray amin a siudad ed intiron mundo. Ag akaliktar ed dusay Dios so makapanyarin Babilonia. Anunotan na Dios so Babilonia, tan pinainom to na alak, say alak na ontan lan pasnuk to.

Puyan 17:12

“Saramay samploran saklur ya anengneng mo sikaray samploran arari ya ag ni ra ginmapon manoley, balet naitdan iray pakayarin manoley ed loob na sakey oras a kaiba ra may ayep.

Puyan 18:18

tan ineyag da leleg dan nenengnengen so asewek na kapopoolan to, “Anggapo lay arum a miparad sayan makapanyarin siudad!”

Puyan 18:19

Ininan day dapul so olo ra, mannangnangis tan maerermen ira tan inkuanda, “Makapataktakot! Makapasinagem so agawad makapanyarin siudad! Minmayaman ya amin iray walay barko ra, lapud kayamanan to. Balet diad loob na sakey oras, naandipat to yan amin!”

Puyan 18:21

Insan dinemet na makapanyarin anghil so sakey a baton singa kabaleg na gilingan. Intupak tod dayat, tan inkuanto, “Onyay kakasil na kitupak na makapanyarin siudad na Babilonia, tan ag lan balut nanengneng!

Puyan 18:8

Lapud saya, mambabansag ya onsabid sikato iray salot ed loob na sakey agew: sakit, ermen, tan eras. Sikatoy napoolan, ta makapanyari so Katawan a Dios a manintinsiad sikato.”