Puyan 17:9 - Maung A Balita Biblia

⁹ “Nipaakar ed saya, nakaukolay kakabatan tan pakatalus. Saray pitoran olo sikaray pitoran pokdul a yoyorungan to may bii. Sikara met so pitoran ari;

Maung a Balita Biblia

⁹ Nipaakar ed saya, nakaukolay kakabatan tan pakatalus. Saray pitoran olo sikaray pitoran pokdul a yoyorungan to may bii. Sikara met so pitoran ari;

Puyan 17:9 Iomraidhean Croise

Daniel 12:4

Inkuantod siak, “Natan, Daniel, ikaput mo la so libro tan timbrian mo ya anggad isabiy anggaan na mundo. Legan to ya, amayamay iray mandarak na sagput dan mangamta na kabaliksan na nagagawa.”

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Mateo 13:11

Inmebat si Jesus, “Niiter ed sikayoy pakaamta ed saray bengatlan nipaakar ed Panariay tawen, balet andid sikara.

Mateo 24:15

“Onung na imbaga nen propita Daniel, nanengneng yoy ‘Makapataktakot a Managderal’ ya akaalagey ed masanton pasen. (Paimano ed saray mambabasa: talusan yoy labay to yan ibaga!)

Puyan 13:1

Insan anengneng koy sakey ya ayep ya onsasakbit a nanlapud dayat. Pitoray olo to tan samploray saklur to. Akoronaay balang saklur to, tan akasulat ed balang olo to so ngaran a sumpad Dios.

Puyan 13:18

Nipaakar ed saya, nakaukolay kakabatan. Nayarin naamtaay siopaman a makabat so kabaliksay numiro to may ayep, ta ngaran na sakey a too yan numiro. Say numiro to anem a lasus tan anemaplo tan anem.

Puyan 17:18

“Samay biin anengneng mo sikatoy makapanyarin siudad a manoley ed saray ararid tapew na dalin.”

Puyan 17:3

Niwala ak ed pakayari na Ispiritu, tan samay anghil inyakar to ak ed kalawakan. Anengneng kod may sakey a biin akayorung ed sakey ya ambalbalangan ayep. Pitoray olo to may ayep, samploray saklur to, tan nisulat ed intiron laman to ray ngarangaran a sumpad Dios.

Puyan 17:7

“Akin et mankelaw ka?” tepet to may anghil ed siak. “Ibagak ed sikay niamut a kabaliksan na bii tan say niloganan ton ayep a pitoray olo to tan samploray saklur to.