Puyan 17:4 - Maung A Balita Biblia

⁴ Purpura tan ambalbalanga so kawes to may bii. Balituk, mabmabli ran bato, tan pirlas iray alahas to. Sankabembenan toy balituk a kupa a napnoy marorotak tan mabambanday iran bengatla a sikaray bunga na panagkasalanan toy inmoralidad.

Maung a Balita Biblia

⁴ Purpura tan ambalbalanga so kawes to may bii. Balituk, mabmabli ran bato, tan pirlas iray alahas to. Sankabembenan toy balituk a kupa a napnoy marorotak tan mabambanday iran bengatla a sikaray bunga na panagkasalanan toy inmoralidad.

Puyan 17:4 Iomraidhean Croise

1 Saray Arari 14:24

Say sankaogsan ed amin a ginagawa ra et say inkiwala na saray lalaki tan saray bibiin marotak diad saray ginagawa ran altar. Inalig na saray totood Juda iray amin a bengatlan makapabaing a ginagawa na saray totoon pinataynan na Katawan nen nilooban na saray Israelita so bansa.

2 Saray Arari 21:2

Nanggagawa na kaogsan ed arap na Katawan, ta inalig to ray makapaingungot ya ogali da ray pinapataynan na Katawan legan a mankukurang iray totoo to.

Esdras 9:11

ya inter mo rad sikami diad panamegley na saray aripen mon propita. Imbaga rad sikami a say dalin a panayaman mi et napnoy karotakan, lapud saray totoon nanaayam et pinano ra, manlapud sakey a ketegan ya anggad sakey a ketegan, na saray makapaingongot tan marotak a kagagawa.

Isaias 66:3

“Saray totoo gagawaen day labay dan dili. Anggapoy pandomaan ed sikara so pamatey na baka ya ibagat tan say pamatey na too ya ibagat; say pangibagat na kordiro tan say pamekpek na aso ed tenger; say pangisaklang da na bagat a trigo tan say pangibagat day dala na baboy; say pangibagat da na insinso tan say pampikasi rad talintaoy diriyos. Maliket irad makapaingungot a klasiy panangigalang ed Dios.

Jeremias 51:7

Nen saman, say Babilonia et singa balituk a kupa a walad limak, tan buebueken koy intiron mundo. Ininom na saray bansa so alak to, kanyan nakalan iray kalakal.

Saray Tagleey 1:9

Sankanengneng so inkarotakan to, balet anggapoy walad sikato so agawad sikato. Makapasinagem so inkaplag to; anggapoy manligliwad sikato. Analo ray kalaban to, tan kekerewen to a kasian na Katawan.

Ezekiel 20:30

Natan, ibagam ed saray Israelita so ibabagak: Akin et gagawaen yo ray kasalanan a ginagawa da ray lalaki yo tan labalabay yon panlingkuran iray talintaoy diriyos da.

Ezekiel 24:11

Natan igaton yod ngalab so anggapoy kargan kaldiron gansa tan paolyan yon ombalbalanga. Diad satan nalinisan lamet imay kaldiro onung ed ganggan no napagpag la ray lati to lapud petang,

Ezekiel 24:13

Jerusalem, dinotakan ka na ginagawam ya immoralidad. Anggaman a sinalik a linisan ta ka, nansiansia kan marotak. Ag ka magmaliw a malinis lamet ya anggad naliknam so sulit na pasnuk ko.

Ezekiel 28:13

Nanayam kad Eden a tanamanan na Dios, tan nanalahas ka na nandoroman klasin mabmablin bato: rubi, diamanti, topasio, birilo, karnilia, jaspi, sapiro, ismiralda, tan garnita. Wala ra met so ates mon balituk. Agawa ran para sika nen agew ya apalsa ka.

Ezekiel 36:25

Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.

Daniel 11:38

Ingen pagalangan to so dios a mangyaagel na saray tirinsira. Mangibagat na balituk, pilak, alahas, tan arum ni ran mabmablin rigalo ed sakey a dios ya ag balut inggalang na saray lalaki to.

Oseas 9:10

Say Katawan kuanto, “Nen inmonan nalmok so Israel, singa ak akalmoy sengeg na ubas ya ontutubod kalawakan. Nen inmonan anengneng ko ray lalaki yo, singa ak akanengneng na inmona ran aluton bungay igos diad panaon to. Balet nen akakar irad Palandey na Peor, ginapwan day angigalang ed Baal tan ag abayag nagmaliw iran makapaingungot a singa saray diriyos ya inararo ra.

Deuteronomio 29:17

Anengneng yo ray makapaingungot a talintao ran kiew, bato, pilak, tan balituk.

Puyan 14:8

Tinmombuk so kumadwan anghil ya inkuanto, “Apaktak la! Apaktak lay Babilonia a makapanyari! Initdan toy alak iray amin a katoowan tan impasoot ton inomen da—say alak na kasalanan ton maoges a pilalek na laman!”

Puyan 18:12

Anggapo lay manaliw na saray balituk da, pilak, mabmabli ran bato, tan pirlas da; saray abel dan lino, purpura, sida, tan ambalanga; amin a klasiy ambalbalingit a kiew; saray kagawaan a garing, mabmablin kiew, gansa, balatyang, tan marmul;

Puyan 18:16

tan ikuanda: “Makapataktakot so agawad sayan makapanyarin siudad! Gendat ya akakawes na lino, abel a purpura tan ambalanga. Gendat met a mangikakanay balituk, mabmabli ran bato, tan pirlas a pampaganggana!

Puyan 19:2

Matonung tan tua ray sintinsia to! Dinusa toy makapanyarin marotak a biin mangikakayat na kaogsan ed dalin, lapud pankakasalanan toy inmoralidad. Say Dios dinusa to, lapud impamatey tod saray aripen na Katawan.”

Puyan 21:21

Pirlas iray labinduan puirta, tan agawad saksakey a pirlas so balang puirta. Puron balituk so dalan na siudad tan malinew a singa kristal.

Puyan 9:21

Ag ira nampataulid panagpatey, panaganito, panagtakew, tan panagkasalanan na inmoralidad.