Puyan 17:3 - Maung A Balita Biblia

³ Niwala ak ed pakayari na Ispiritu, tan samay anghil inyakar to ak ed kalawakan. Anengneng kod may sakey a biin akayorung ed sakey ya ambalbalangan ayep. Pitoray olo to may ayep, samploray saklur to, tan nisulat ed intiron laman to ray ngarangaran a sumpad Dios.

Maung a Balita Biblia

³ Niwala ak ed pakayari na Ispiritu, tan samay anghil inyakar to ak ed kalawakan. Anengneng kod may sakey a biin akayorung ed sakey ya ambalbalangan ayep. Pitoray olo to may ayep, samploray saklur to, tan nisulat ed intiron laman to ray ngarangaran a sumpad Dios.

Puyan 17:3 Iomraidhean Croise

1 Saray Arari 18:12

Antoy amtak no kataynan ko dia et awiten ka na ispiritu na Katawan ed pasen ya anggapoy mikabat? Insan mo ibagak ed kinen Acab a wadya ka tan ag to ka narumog, pateyen to ak. Nepeg mon nunoten a gagalangen koy Katawan nanlapu lad impanogaw ko.

2 Saray Arari 2:16

tan kuanda, “Limamplo kami dian mabisbiskeg a lalaki. Abuloyan mo kamin onla, ta anapen miy amom. Angangko inyakar ed arawi na ispiritu na Katawan, insan to intilak ed sakey a toktok na palandey, odino diad sakey a patar a pasen.” “Andi, ag kayo oonla,” ebat nen Eliseo.

Kanta nen Solomon 8:5

Siopa yay onsasabin manlalapud kalawakan, ya akatabin ed inaro to? Binangon ta kad silong na mansanas, diad pasen a nianakan mo.

Ezekiel 11:24

Diad sayan pasingayew, inyatagey ak na ispiritu na Dios tan impawil to ak ya inyakar ed Babilonia a nibantakan mi. Insan naandi la may pasingayew.

Ezekiel 3:12

Insan intagey ak na ispiritu na Dios, tan nadngel kod nibeneg ko so maksil tan manungol a bosis a kuanto, “Nadayew komun ed tawen so kagalangan na Katawan!”

Ezekiel 8:3

Inyonat toy singa lima, insan to ak siningkat ed buek. Diad sayan pasingayew say ispiritu na Dios inyatagey to ak tan inyakar to ak ed Jerusalem. Inyakar to ak ed dalem na lolooban na puirtad baybay na Timplo a kawalaan na talintaon makapaspasnuk ed Dios.

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Daniel 7:20

Nilabay ko met a naamtaan so nipaakar ed saramay samploran saklur ed olo to tan say saklur a tinmombuk a tinmubo tan pinapelag toy talora ed saramay saklur. Wala ray mata to tan sakey a sangi tan mapasirayew a mansasalita. Makapataktakot ni nen saramay arum.

Daniel 7:25

Mansalita na sumpad Sankatageyan a Dios tan pairapen to ray totoo na Dios. Salien ton omanen iray ganggan na rilihion da tan saray pista ra, tan oleyan ton taloy taon tan kapaldua iray totoo na Dios.

Daniel 7:8

Nen nenengnengen ko ra may saklur to, anengneng kon ontutubod kawalaan da so sakey a melag a saklur. Binagut toy taloran saklur ed saramay wadman la. Sayan saklur wala ray mata ton matay too tan walay sangi ton mapasirayew a mansalita.

Mateo 27:28

Nilakseban da, insan da sinolungay ambalbalangan kawes.

Saray Gawgawa 8:39

Kasakbit da, imbatik na Ispirituy Katawan si Felipe. Ag la anengneng na samay yunuko, tan maliket a linma la.

2 TESALONICA 2:4

Sumlangen to ray amin ya igagalang na totoo tan saray amin ya ipapasen dan diriyos. Iyan to ran amin ed silong na pakayari to, onloob ed Timploy Dios, insan onirung diman tan iparontal toy sikaton dili a Dios.

Puyan 1:10

Aminsan ya agew na Katawan, niwala ak ed pakayari na Ispiritu tan nadngel kon nibeneg ko so maksil a bosis, a singa tanul na trumpita.

Puyan 12:14

Balet naitdan imay bii na duaran payak na baleg ya agila, pian makatikyab ed pasen to diad kalawakan. Diman naasikaso ed loob na taloy taon tan kapaldua, pian naliktaran toy pasnuk na oleg.

Puyan 12:3

Sakey nin sinyal so linmetaw ed tawen: sakey ya ambalanga tan balbaleg a dragon. Pitoray olo to, samploray saklur to, tan walay korona na balang olo to.

Puyan 12:6

Binmatik ed kalawakan imay bii, diad pasen ya imparaay Dios ed sikato a dimay pakaasikasoan ed sikato diad loob na sanlibo, duan lasus tan anemaplon agew.

Puyan 17:18

“Samay biin anengneng mo sikatoy makapanyarin siudad a manoley ed saray ararid tapew na dalin.”

Puyan 17:4

Purpura tan ambalbalanga so kawes to may bii. Balituk, mabmabli ran bato, tan pirlas iray alahas to. Sankabembenan toy balituk a kupa a napnoy marorotak tan mabambanday iran bengatla a sikaray bunga na panagkasalanan toy inmoralidad.

Puyan 18:12

Anggapo lay manaliw na saray balituk da, pilak, mabmabli ran bato, tan pirlas da; saray abel dan lino, purpura, sida, tan ambalanga; amin a klasiy ambalbalingit a kiew; saray kagawaan a garing, mabmablin kiew, gansa, balatyang, tan marmul;

Puyan 18:16

tan ikuanda: “Makapataktakot so agawad sayan makapanyarin siudad! Gendat ya akakawes na lino, abel a purpura tan ambalanga. Gendat met a mangikakanay balituk, mabmabli ran bato, tan pirlas a pampaganggana!

Puyan 21:10

Niwala ak ed pakayari na Ispiritu, tan inyakar to ak may anghil ed toktok na atagtagey tan balbaleg a palandey. Impanengneng tod siak so Jerusalem, say Masanton Siudad, ya onleleksab a nanlapud tawen tan nanlapud Dios.

Puyan 4:2

Kabebekta, niwala ak ed pakayari na Ispiritu, tan anengneng kod tawen so sakey a tronon walay akayorung.