Puyan 17:16 - Maung A Balita Biblia

¹⁶ Saramay samploran saklur ya anengneng mo tan samay ayep bosulen da may marotak a bii. Alaen da ray amin a walad sikato, tan taynan dan anggapoy akasolung ed laman to. Buagen day laman to, insan da poolay nakeraan.

Maung a Balita Biblia

¹⁶ Saramay samploran saklur ya anengneng mo tan samay ayep bosulen da may marotak a bii. Alaen da ray amin a walad sikato, tan taynan dan anggapoy akasolung ed laman to. Buagen day laman to, insan da poolay nakeraan.

Puyan 17:16 Iomraidhean Croise

Say Libro nen Job 31:31

Kabat na saray katulong kon lalaki a pinarawes ko lawas iray sangkaili.

Saray Salmo 27:2

No dogpaan ak a pateyen na saray totoon maoges, natiror tan natumba ra.

Daniel 7:5

Say kumadwan ayep et singa uso ya akaalagey ed saginonur iran sali to. Sankatangal to ray taloran taglang tan walay bosis a nankuan ed sikato, “Sigi, mangan ka labat na karni ed anggaay nayarian mo!”

Levitico 21:9

No say anak na pari et magmaliw a marotak a bii, ipelag tod kababaingan so ama to; sayan anak nepeg a poolan ya anggad ag to ipatey.

Puyan 12:3

Sakey nin sinyal so linmetaw ed tawen: sakey ya ambalanga tan balbaleg a dragon. Pitoray olo to, samploray saklur to, tan walay korona na balang olo to.

Puyan 16:12

Say kumanem ya anghil inkalbo tod baleg ya Ilog na Eufrates so kargay yaung to. Amagaan imay ilog, pian niparaan so dalanen da ray arin manlapud bokig.

Puyan 17:10

apaktak lay limarad sikara, manooley niy sakey, tan ag ni sinmabiy sakey. No onsabi, nakaukolan a maganggano labat so panayam to.

Puyan 18:19

Ininan day dapul so olo ra, mannangnangis tan maerermen ira tan inkuanda, “Makapataktakot! Makapasinagem so agawad makapanyarin siudad! Minmayaman ya amin iray walay barko ra, lapud kayamanan to. Balet diad loob na sakey oras, naandipat to yan amin!”

Puyan 18:8

Lapud saya, mambabansag ya onsabid sikato iray salot ed loob na sakey agew: sakit, ermen, tan eras. Sikatoy napoolan, ta makapanyari so Katawan a Dios a manintinsiad sikato.”

Puyan 19:18

Gali dia, tan akan yo ray laman da ray arari, saray hiniral, tan saray sondalo, saray laman da ray kabayo tan saray akakabayo, saray laman na amin a katoowan—aripen man o andi, abeba man o atagey ed kipapasen!”