Puyan 16:8 - Maung A Balita Biblia

⁸ Say kumapat ya anghil inkalbo tod agew so kargay yaung to, et naitdan so agew na pakayarin mamool ed saray katoowan diad panamegley na petang to.

Maung a Balita Biblia

⁸ Say kumapat ya anghil inkalbo tod agew so kargay yaung to, et naitdan so agew na pakayarin mamool ed saray katoowan diad panamegley na petang to.

Puyan 16:8 Iomraidhean Croise

Isaias 24:23

Ombilonget so bulan tan ag la onsindag so agew, ta say Katawan a Makapanyarin-amin so manari. Manoley ed Jerusalem diad Palandey na Sion, tan nanengneng na saray pangulo da ray totoo so kagalangan to.

Jonas 4:8

Nen atagey lay agew, say Dios angipasibuk na ampetapetang a dagem a nanlapud bokig, et si Jonas ngalngali aponaw lapud petang na agew a kinmenad olo to. Kanyan kinaliktan ton sikato lay inatey komun. Inkuanto, “Magmaung nin inatey ak la nen say mambilay ak ni.”

Mateo 13:6

Balet nen atagey lay agew, nalnes tan amagaan ira lapud ataptapew iray lamut da.

Lucas 21:25

“Onletaw iray tanda ed agew, bulan, tan saray bitewen. Diad dalin, saray bansa nagolo rad kataktakot dad saray daluyon tan say ungol na dayat.

Saray Gawgawa 2:20

ombilonget so agew, tan ombalangan singa dala so bulan, kasakbayan ya onsabiy Agew matalona tan mablin Agew na Katawan.

Puyan 14:18

Pinmaway niy sananey ya anghil a nanlapud altar. Sikato yay anghil a walay pakaoley tod apoy. Inkuantod maksil a bosis ed anghil a walay matdem a palot, “Ikanam la tay palot mo. Borbor mo ray ubas ed saray kaubasan diad mundo, ta aloto la ra!”

Puyan 6:12

Ninmengneng ak nen inekal na samay Kordiro so kumanem a timbri. Yinmegyeg na makmaksil, dinmeket a singa baliwan so agew, tan binmalangan singa dala so intiron bulan.

Puyan 7:16

Ag la ran balut naerasan o naapgaan. Ag met la ra napoolay agew o anggan anton ampetang.

Puyan 8:12

Nen sinibuk na kumapat ya anghil so trumpita to, aderal so kakatloy agew, bulan, tan bitewen, kanyan naandiy kakatlon liwawa ra. Binmilonget so kakatloy labi tan kakatloy agew.

Puyan 9:2

Nilokasan na bitewen imay abut, tan pinmaway so asewek a singa manlalapud baleg ya ornowan. Kanyan binmilonget so liwaway agew tan say dagem lapud samay asewek.