Puyan 16:16 - Maung A Balita Biblia

¹⁶ Insan saray ari tinipon ira na saramay ispiritu; diad pasen a tatawagey Armagedon ed salitay Hebreo so impaniponan dad sikara.

Maung a Balita Biblia

¹⁶ Insan saray ari tinipon ira na saramay ispiritu; diad pasen a tatawagey Armagedon ed salitay Hebreo so impaniponan dad sikara.

Puyan 16:16 Iomraidhean Croise

2 Saray Awaran 35:22

Balet ag sinmener si Josias. Ag to dinengel so ibabaga na Dios diad panamegley nen Ari Neco, kanyan ag nampabirbir a linman akibakal ed patar na Megido.

Zacarias 12:11

Diad satan a panaon say panermen ed Jerusalem et singa kabaleg na panermen ed Hadad-rimon diad patar na Megido.

Juan 19:13

Kadngel nen Pilato ed sarayan balikas, inyakar toy Jesus ed paway tan inmirung ed yorungay huis ed pasen a tatawagey “Say Intabladon Bato” (diad salitay Hebreo, “Gabata”).

Juan 19:17

tan pinmaway a sankasakbat toy krus to a mamaarap ed pasen a tatawagey “Pasen na Lapis-lapis na Olo.” (Diad salitay Hebreo, tatawagey “Golgota.”)

Juan 5:2

Diad Jerusalem, diad abay na Puirtay Karniro, walay sakey a dipositoway danum a diad salitay Hebreo, tatawagey Betesda. Walay limaran portiko to,

Saray Gawgawa 26:14

Apaktak tan nipasobsob kamin amin ed dalin, tan arengel koy sakey a bosis ya inkuantod siak ed salitay Hebreo, ‘Saulo, Saulo, akin et papairapen mo ak? Papairapen mo lamlamang so laman mon dili ed satan a gagawaen mo, ta singa dedepakan moy otuk.’

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”

Puyan 9:11

Walay ari ran manooley ed sikara, a sikatoy anghil a mambabantay na ag natokur ya abut. Abadon so ngaran tod salitay Hebreo, Apolion ed salitay Grigo, tan Managderal so kabaliksan to.

Saray Huis 4:7

Papawayen koy Sisara a pangulo na saray sondalo nen Jabin, ta labanan to kayo ed Ilog na Kison. Awiten to ray karwahi to tan saray sondalo to, balet panaloen ta kayod sikato.’”

Saray Huis 5:19

Sinmabid Taanac ed gilig na kolus na Megido iray arari tan akilaban ira; akibakal iray arari na Canaan, balet anggapoy imbatik dan pilak.