Puyan 16:10 - Maung A Balita Biblia

¹⁰ Say kumaliman anghil inkalbo tod trono na samay ayep so kargay yaung to. Binmilonget so nanarian to may ayep, tan kineketket na saray totoo so dila ra lapud sakit a liliknaen da.

Maung a Balita Biblia

¹⁰ Say kumaliman anghil inkalbo tod trono na samay ayep so kargay yaung to. Binmilonget so nanarian to may ayep, tan kineketket na saray totoo so dila ra lapud sakit a liliknaen da.

Puyan 16:10 Iomraidhean Croise

Saray Salmo 78:49

Pinadalan tod sikara so ontan lan kairapan diad impangidapo toy mapalalon pasnuk tan petang na olo ya imbaki to ran singa saray anghil a managpatey.

Mateo 13:42

Insan da ra ibantak ed manliub ya apoy a diman ira manakis tan manngayet.

Mateo 13:50

Ibantak da ray maoges ed manliub ya apoy tan diman ira manakis tan manngayet.”

Mateo 22:13

Inkuanto may arid saray aripen to, ‘Balur yo ray lima tan sali to tan ibantak yod kabilongetan ed paway. Onnangis diman tan onngalatenget iray ngipen to.’

Mateo 24:51

Dusaen a maung na amo to tan ipila tod kawalaan da ray mansimpisimpitan a totoo. Onnangis diman tan onngalatenget iray ngipen to.”

Mateo 8:12

Balet saray nepeg day walad Panarian et nibantak irad paway ya ambilbilonget, tan diman ira onakis tan onngayet iray ngipen da.”

Lucas 13:28

Agaylad satay pannangis tan panngalatenget na ngipen yo no nanengneng yo ra di Abraham, Isaac, Jacob tan amin da ray propita a wala rad Panariay Dios et nibantak kayo balet ed paway!

1 Pedro 2:17

Pagalangan yo ray amin a katoowan tan aro yo ray kapara yon mananisian agagid Cristo. Mambilay kayon walay takot ed Dios tan walay panangigalang ed Impirador.

Puyan 11:10

Manliket ed satan ya amin iray katoowan ed mundo lapud impatey da ra yan dua. Mansilibra ra tan maniiteran iray rigalo, ta sarayan duan propita et ontan lay kairapan ya inter dad katoowan ed tapew na dalin.

Puyan 11:2

Balet ag mo la susukaten so kuarton walad paway na timplo, ta niiter lad saray Hintil, a sikaray manggatin-gatin ed Masanton Siudad ed loob na apataplo tan duay bulan.

Puyan 11:8

tan naonat-onat iray bangkay da ed dalan na baleg a siudad, a dia nipasak ed krus so Katawan da. Sodoma o Egipto so maispiritun ngaran to yan siudad.

Puyan 17:17

Inseksek na Dios ed puso ra so pangonur dad labay to, diad panamegley na pankakasakey dan mangiter ed samay ayep na pakayari ran manoley, anggad ontua ray salitay Dios.

Puyan 17:9

“Nipaakar ed saya, nakaukolay kakabatan tan pakatalus. Saray pitoran olo sikaray pitoran pokdul a yoyorungan to may bii. Sikara met so pitoran ari;

Puyan 18:2

Ineyaeyag to, “Naplag la! Naplag lay makapanyarin Babilonia! Nagmaliw ya ayaman natan na saray dimonyo, prisowan na saray maoges ya ispiritu, tan obung na amin a klasiy marotak tan makapaingungot a manok.

Puyan 18:21

Insan dinemet na makapanyarin anghil so sakey a baton singa kabaleg na gilingan. Intupak tod dayat, tan inkuanto, “Onyay kakasil na kitupak na makapanyarin siudad na Babilonia, tan ag lan balut nanengneng!

Puyan 18:23

Ag ka met lan balut naliwawaay anggan anton silewan; ag lan balut narengel ed sika so maliket a bosis da ray mankasal. Ta nagmaliw a makapanyarid mundo iray nigosiantim tan nilokom iray amin a bansa lapud panagsalamangkam!”

Puyan 8:12

Nen sinibuk na kumapat ya anghil so trumpita to, aderal so kakatloy agew, bulan, tan bitewen, kanyan naandiy kakatlon liwawa ra. Binmilonget so kakatloy labi tan kakatloy agew.

Puyan 9:2

Nilokasan na bitewen imay abut, tan pinmaway so asewek a singa manlalapud baleg ya ornowan. Kanyan binmilonget so liwaway agew tan say dagem lapud samay asewek.