Puyan 15:6 - Maung A Balita Biblia

⁶ Pinmaway a nanlapud timplo ira may pitoran anghil a sankaawit da ray pitoran salot. Akakawes iray malinis tan masilesileng a lino, tan say pagew da abalkesan na balituk.

Maung a Balita Biblia

⁶ Pinmaway a nanlapud timplo ira may pitoran anghil a sankaawit da ray pitoran salot. Akakawes iray malinis tan masilesileng a lino, tan say pagew da abalkesan na balituk.

Puyan 15:6 Iomraidhean Croise

Daniel 10:5

Tinmangay ak, et anengneng koy sakey a lakin akakawes na linen tan akabalkes na pinon balituk.

Lucas 24:4

Nen nagogoloy kaisipan da lapud saya, pinmayawar ed abay da so duaran lalaki a mankidyam iray kawes da.

Puyan 1:13

Diad pegley da ra ya, walay singa sakey a too ya akakawes na onsagar ed mokur so saloy to. Wala met so akabariber a balituk ed pagew to.

Puyan 14:15

Insan pinmaway so sananey ya anghil a nanlapud timplo tan inkuantod maksil a bosis ed samay akayorung ed lorem, “Ikanam tay palot mo tan manani ka, ta panagani la. Matakken lay aaniyen ed mundo!”

Puyan 14:17

Anengneng kod satan a pinmaway so sananey ya anghil a nanlapud timplo ed tawen, tan wala met so sankabembenan ton matdem a palot.

Puyan 15:1

Anengneng koy sakey nin baleg tan makapakelkelaw a sinyal ed tawen: pitoran anghil a sankaawit day pitoran salot. Sikara yay kaonuran a salot, ta sikara la yay samput a pangipanengneng na Dios na pasnuk to.

Puyan 19:8

akakawes lay malinis tan masilesileng a lino.” (Say lino sikatoy maung iran gawgawa na totooy Dios.)