Puyan 14:11 - Maung A Balita Biblia

¹¹ Say asewek na apoy a mamairap ed sikara mampapaatagey lan mampapaatagey ya anggapoy angga. Agew-labin anggapoy painawa da ray mangigalang ed samay ayep tan say talintao to, tan saray amarkaan na ngaran to.”

Maung a Balita Biblia

¹¹ Say asewek na apoy a mamairap ed sikara mampapaatagey lan mampapaatagey ya anggapoy angga. Agew-labin anggapoy painawa da ray mangigalang ed samay ayep tan say talintao to, tan saray amarkaan na ngaran to.

Puyan 14:11 Iomraidhean Croise

Genesis 19:28

Inosdungan to ray siudad na Sodoma tan Gomorra tan samay intiron patar, et anengneng ton manlalapud man so asewek, a singa asewek a manlalapud baleg ya ornowan.

Saray Salmo 10:16

Anggad angga ya ari so Katawan, tan naandipat ed dalin to iray ag manisiad sikato.

Saray Salmo 145:1

Ibawag koy inkatalonggaring mo, Dios ko tan arik; ando lan ando a misalamat ak ed sika.

Exodo 15:18

Sika, Katawan, so manari ed ando lan ando.”

Isaias 33:14

Manggiwgiw ed takot iray makasalanan a totood Sion. Kuanda, “Singa apoy a mandarlang ed anggad angga so panagsintinsia na Dios. Wala kasid sikatayoy makapangitepel ed onyan dalang?”

Isaias 34:10

Ondalang ed agew tan labi, tan ando lan ando a manlapud sikato so asewek ya ontagey. Mansiansian andi-kakanaan so dalin na Edom, tan anggapo la dian balut so malabay ya ondalan.

Isaias 34:8

Sikato yay panaon na pangyagel na Katawan ed Sion tan ibawi tod saray kalaban to.

Isaias 57:20

Balet saray totoon maoges singa ra madaluyon a dayat, a dotak tan linang so isasakbit da.

Daniel 3:6

Siopamay toon ag ondakmomon mangigalang et ibontuk a tampol ed manliub ya apoy na palbaan.”

Joel 2:30

“Diad satan ya agew mangiter ak na saray tanda a nanengneng ed tawen tan diad tapew na dalin; wala so onagos a dala, apoy, tan makapakapal ya asewek.

Mateo 11:28

“Dago kayod siak, amin yon nakekesawan ed panaawit yoy ambelat, ta pampainawaen ta kayo.

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Mateo 25:46

Sikara ya sirin so onlad dusan andi-anggaan; saray matonung so panagbilay da sikaray onlad bilay ya andi-anggaan.”

Deuteronomio 28:65

Ag diman manarid sikayo so kareenan, tan anggapoy pasen a nayarian yon tawagen a kayaryan yo; say Katawan tabonan to kayo na kapagaan, kaandiay ilalo, tan kaermenan.

Saray Hebreo 1:8

Balet nipaakar ed Anak, inkuay Dios: “Say panarian mo, O Dios, mansiansian anggad angga! Maptek so panoley mod saray totoom.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Puyan 13:12

Inkana ton amiy pakayari na samay onaan ya ayep diad arap to. Impangigalang toy mundo tan amin a katoowan ed samay onaan ya ayep a say sugat to et inmabig la.

Puyan 13:15

Naabuloyan may kumadwan ayep ya itdan toy linawa may talintaoy onaan ya ayep, pian makapansalita may talintao tan napapatey toy amin ya ag mangigagalang ed sikato.

Puyan 13:17

Ag nayari met a manaliw o manlako so siopaman ya anggapod sikatoy nimarkan ngaran to may ayep, o say numiro na ngaran to.

Puyan 14:9

Tinmombuk ed saramay duara so kumatlon anghil ya inkuantod maksil a bosis, “Siopamay mangigalang ed samay ayep tan say talintao to, tan mangawat na marka ed muling o lima to,

Puyan 18:18

tan ineyag da leleg dan nenengnengen so asewek na kapopoolan to, “Anggapo lay arum a miparad sayan makapanyarin siudad!”

Puyan 18:9

Samay siudad panermenan tan nangisan na saray ararid tapew na dalin ya akikaloguran tan akiliket ed sikato, leleg dan nenengnengen so asewek na kapopoolan to.

Puyan 19:3

Inkuanda, “Igalang yoy Dios! Mantagey lan mantagey ya anggad angga so asewek na napopoolan a makapanyarin siudad!”

Puyan 20:10

Insan samay Diablo ya amalikdo ed sikara et nibantak ed dayat ya asupri tan apoy a nibantakan met lad samay ayep tan samay tila-tilan propita. Napairap irad man ed agew tan labi ya anggad angga.

Puyan 22:5

Anggapo lad may labi, tan ag la ra mankaukolay lamparaan o liwaway agew, ta say Katawan a Dios so silew da, tan manari ran anggad angga.

Puyan 7:12

Inkuanda, “Amen! Anggad angga komun a kayaryay Dios tayo so dayew, galang, kakabatan, pisasalamat, tanduro, pakayari, tan biskeg! Amen!”