Puyan 12:3 - Maung A Balita Biblia

³ Sakey nin sinyal so linmetaw ed tawen: sakey ya ambalanga tan balbaleg a dragon. Pitoray olo to, samploray saklur to, tan walay korona na balang olo to.

Maung a Balita Biblia

³ Sakey nin sinyal so linmetaw ed tawen: sakey ya ambalanga tan balbaleg a dragon. Pitoray olo to, samploray saklur to, tan walay korona na balang olo to.

Puyan 12:3 Iomraidhean Croise

Isaias 27:1

Diad satan ya agew ipakana na Katawan so makapanyari tan makapatey ya ispada to a panusa ed Libiatan, say mambalbalikerker tan mampoppotipot a dragon, tan pamatey ed dragon a manaayam ed dayat.

Isaias 51:9

Liing ka pa, Katawan, ta tulongan mo kami! Ikanam pa so pakayarim ta ilaban mo kami; ikanam pa a singa ginawam nen saman. Sika so nantetegteg ed Rahab a dragon ed dayat.

Isaias 9:15

Say olo et saray matakken tan gagalangen a totoo—tan say ikul et saray propitan tilay ibabangat da!

Daniel 2:41

Anengneng mo met a walay balatyang tan dalin iray sali tan saray gamet na samay talintao. Apaldua ya impirio so kabaliksan to man. Nawalaan so impirio na biskeg a singa balatyang lapud wala man a balatyang ya alaukan na dalin.

Daniel 2:42

Saramay gamet na sali—walay balatyang tan dalin—kabaliksan day mabiskeg so arum a parti na impirio, balet makapoy so arum a parti.

Daniel 7:20

Nilabay ko met a naamtaan so nipaakar ed saramay samploran saklur ed olo to tan say saklur a tinmombuk a tinmubo tan pinapelag toy talora ed saramay saklur. Wala ray mata to tan sakey a sangi tan mapasirayew a mansasalita. Makapataktakot ni nen saramay arum.

Daniel 7:24

Saramay samploran saklur et saray samploran arari a manoley ed samay impirio. Insan onletaw so sakey ya ari a nidoma ed saramay akaona lan ari tan taloen toy talorad sikara.

Puyan 12:1

Kasumpal to ya, linmetaw ed tawen so makapakelkelaw a sinyal: sakey a biin say agew so kawes to, say bulan so tinoonan da ray sali to, tan nankoronay labinduan bitewen so olo to.

Puyan 12:13

Nen naamtaan na dragon a nibantak ed dalin, inosil-osilan to may biin nananak na sakey a laki.

Puyan 12:17

Diad pasnuk to may dragon, insoblay ton labanan iray atilak a kabyangay boleg to may bii, a salanti saray mangoonur ed ganggay Dios tan matoor ed katwaan ya imbawag nen Jesus.

Puyan 12:4

Diad panamegley na ikul to, ginoyur toy kakatloy amin a bitewen ed tawen, insan to ra imbantak ed dalin. Nanalagey imay dragon ed arap to may biin asingger lan mananak, pian nabwag ton tampol so ogaw no kapaway to.

Puyan 12:7

Tinmerak ed satay bakal ed tawen! Nilabanan nen Miguel tan saray anghil to may dragon, ya akilaban a kaiba to ray anghil to.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

Puyan 13:1

Insan anengneng koy sakey ya ayep ya onsasakbit a nanlapud dayat. Pitoray olo to tan samploray saklur to. Akoronaay balang saklur to, tan akasulat ed balang olo to so ngaran a sumpad Dios.

Puyan 13:2

Singa liopardo man ya ayep ya anengneng ko. Singa sali na uso ray sali to, tan singa sangiy lion so sangi to. Inter na dragon ed samay ayep so dilin pakayari to, say trono to, tan say baleg a pakaoley to.

Puyan 13:4

Inggalang na amin a totoo may dragon, lapud inter tod samay ayep so pakayari to. Inggalang da met imay ayep. Inkuanda, “Siopay miparad samay ayep? Siopay makalaban ed sikato?”

Puyan 15:1

Anengneng koy sakey nin baleg tan makapakelkelaw a sinyal ed tawen: pitoran anghil a sankaawit day pitoran salot. Sikara yay kaonuran a salot, ta sikara la yay samput a pangipanengneng na Dios na pasnuk to.

Puyan 16:13

Insan anengneng koy singa ra patang a taloran marorotak ya ispiritu ya ompapaway ed sangi to may dragon, sangi to may ayep, tan sangi na samay tila-tilan propita.

Puyan 17:12

“Saramay samploran saklur ya anengneng mo sikaray samploran arari ya ag ni ra ginmapon manoley, balet naitdan iray pakayarin manoley ed loob na sakey oras a kaiba ra may ayep.

Puyan 17:16

Saramay samploran saklur ya anengneng mo tan samay ayep bosulen da may marotak a bii. Alaen da ray amin a walad sikato, tan taynan dan anggapoy akasolung ed laman to. Buagen day laman to, insan da poolay nakeraan.

Puyan 17:7

“Akin et mankelaw ka?” tepet to may anghil ed siak. “Ibagak ed sikay niamut a kabaliksan na bii tan say niloganan ton ayep a pitoray olo to tan samploray saklur to.

Puyan 19:12

Singa manliub ya apoy iray mata to, tan amayamay iray koronad olo to. Akasulat ed laman to so ngaran to, balet sikato labat so makaamta na kabaliksan to.

Puyan 20:2

Siningkat toy dragon, samay daan ya oleg a sikato met so Diablo, o Satanas, tan binalur tod loob na sanlibon taon.