Puyan 12:15 - Maung A Balita Biblia

¹⁵ Lapud saya, samay oleg nambogay danum a singa ilog ya ontombuk ed samay bii, pian naanor.

Maung a Balita Biblia

¹⁵ Lapud saya, samay oleg nambogay danum a singa ilog ya ontombuk ed samay bii, pian naanor.

Puyan 12:15 Iomraidhean Croise

Genesis 3:1

Say oleg so sankasiliban ed saray amin ya ayayep a pinalsay Katawan a Dios. Tinepet na oleg ed samay bii, “Imbaga tan tua na Dios ya ag yo kanen so bunga na dinanman a kiew ed tanamanan?”

Saray Salmo 18:4

Walad kaliber-liber ko so kaatapan na patey; saray daluyon a managderal tinatabunan da ak.

Saray Salmo 65:7

Patotondaen moy ungol da ray dayat tan say ungol da ray daluyon; parereenen moy golo da ray katoowan.

Isaias 28:2

Say Katawan walay too ton mabiskeg tan makapanyari ya akaparaan ya ondogpa ed sikara; sikatoy onsabi a singa oran a kristal, singa mapmaples ya oran, singa mabiskeg tan maples ya agos na delap, tan lanayapan toy dalin.

Isaias 59:19

Amin a totoo, manlapud bokig ya anggad sagur, takotan day Katawan tan say baleg a pakayari to. Onsabi a singa maples ya ilog, singa mabiskeg a dagem.

Isaias 8:7

siak, a Katawan, iyakar ko diay impirador na Asiria tan amin da ray sondalo to, ta dogpaan day Juda. Onsulong iran singa agos na danum a linmipwad saray pandel na Ilog na Eufrates.

2 CORINTO 11:3

Balet mapaga ak, ta ompan naderal iray kanunotan yo tan niarawi kayod matoor tan malinis a panangarod Cristo, a singa si Eva et apalingo lapud silib na oleg.

Puyan 12:16

Balet tinulongay dalin imay bii; sinmangiy dalin tan ininom toy danum ya imbogay dragon.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

Puyan 17:15

Inkuanto met ni may anghil ed siak, “Saramay anengneng mon danum a yoyorungan na samay bii et sikaray totoo, bansa, boleg, tan salita.

Puyan 20:2

Siningkat toy dragon, samay daan ya oleg a sikato met so Diablo, o Satanas, tan binalur tod loob na sanlibon taon.