Puyan 11:8 - Maung A Balita Biblia

⁸ tan naonat-onat iray bangkay da ed dalan na baleg a siudad, a dia nipasak ed krus so Katawan da. Sodoma o Egipto so maispiritun ngaran to yan siudad.

Maung a Balita Biblia

⁸ tan naonat-onat iray bangkay da ed dalan na baleg a siudad, a dia nipasak ed krus so Katawan da. Sodoma o Egipto so maispiritun ngaran to yan siudad.

Puyan 11:8 Iomraidhean Croise

Genesis 13:13

Maoges iray totood man; mapalaloy kasalanan dad Katawan.

Genesis 19:24

Kabebekta say Katawan pinaoran toy manliub ya asupri ed saray siudad na Sodoma tan Gomorra,

Exodo 20:2

“Siak so Katawan a Dios yo ya angipaway ed sikayod Egipto ya akaaripenan yo.

Exodo 3:7

Insan say Katawan inkuanto, “Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.

Jeremias 26:23

Manlapud Egipto inyakar dad kinen Ari Joakim si Urias; impapatey nen ari insan to impaibantak so bangkay to ed panangipomponan ed saray karaklan.)

Ezekiel 16:46

“Say pangulowan ya agim a bii et say Samaria diad baybay, a pati saray bario to. Say yogtan ya agim a bii et say Sodoma diad abalaten, a pati saray bario to.

Ezekiel 16:49

Say Sodoma tan saray anak ton bibii et mapasirayew ira lapud daakan so tagano ra nen saman tan nambibilay iran mareen, balet ag da inaasikaso iray mairap-bilay tan saray walad pankaukolan.

Ezekiel 23:19

Inkaloor toy inkamarotak ton bii, ginagawa toy singa ginagawa to nen malangwer ni, nen sikatoy marotak a bii diad Egipto.

Ezekiel 23:27

Patondaen koy pikakaloguran tan say makapabaing a gagawaen mo nanlapu la nen wala ka nid Egipto. Ag mo lan balut linggisen iray talintaoy diriyos odino nunoten so nipaakar ed Egipto.”

Ezekiel 23:3

Nen malangwer ni ran manaayam ed Egipto, aderal so inkabirhin da tan nagmaliw iran marotak a bibii.

Ezekiel 23:8

Intuloy toy inggapo to lan marotak a panagbilay to ed Egipto a dimay inkaderalay inkabirhin to. Nanlapu lad impanmarikit to, akikiakdul ed sikato ray lalaki tan impasen dan sakey a marotak a bii.

Ezekiel 37:11

Inkuan na Dios ed siak, “Sika a toon ompatey, saray totood Israel et singa sarayan pokepokel. Ibabaga ra ya amagaan ira, naandian la ray ilalo tan anggapoy kabaliksan na arapen da.

Amos 4:11

“Dineral ta kayo a singa impaneral kod saray baley na Sodoma tan Gomorra. Sikayo ran akapaliis ed patey et aliling yoy mandarlang a bislak a nipaliis ed pool. Balet siansian ag kayo pinmawil ed siak,” kuay Katawan.

Mateo 10:15

Tandaan yo ya! Diad Agew na Okum, anlemew ni so dusa da ray taga Sodoma tan Gomorra nen saray taga satan a baley!”

Saray Gawgawa 9:4

Apaktak tan nipasobsob ed dalin, insan nadngel toy bosis a nankuan ed sikato, “Saulo, Saulo, akin et papairapen mo ak?”

Saray Hebreo 13:12

Ontan met, inatey si Jesus ed paway na puirtay siudad, pian nalinisan to ray katoowan ed kasalanan diad panamegley na dilin dala to.

Saray Hebreo 6:6

Insan imbeneg day pananisia ra! Ag la ra napapawil a magbabawi, ta ipapasak da lamet ed krus so Anak na Dios tan papabaingan dad karaklan.

2 Pedro 2:6

Dinusa na Dios iray siudad na Sodoma tan Gomorra. Tinemek to ra diad panamegley na apoy, pian nipanengneng toy pansumpalay totoon anggapoy Dios.

Judas 1:7

Nunot yo met so Sodoma, Gomorra, tan saray kaliber-liber dan baley. Lapu met ed impanggawa da ray totood man na inmoralidad tan saray kasalanan sumpad inkatoo ra, manlilikna ray dusa ed andi-anggaan ya apoy, a sikatoy pamasakbay ed amin a katoowan.

Puyan 11:13

Diad saman a bekta, yinmegyeg na maksil. Aderal so kakaplon parti na siudad, tan piton libon totoo so inaatey lapud samay yegyeg. Tinmakot iray totoon atilak a mabilay, tan inggalang day Dios na tawen.

Puyan 11:9

Diad loob na taloy agew tan kapaldua, saray bangkay da nengnengen na saray totoon manlapud amin a katoowan, tribu, salita tan bansa; tan ag da abuloyan a nipompon ira.

Puyan 14:20

Apespes iray ubas ed panagpespesan a walad paway na baley, tan manlapud samay panagpespesan, pinmaway so dala tan dinmelap a say karokey to et duan lasus tan duamplon kilomitro, tan limaran dangan so kinaaralem to.

Puyan 14:8

Tinmombuk so kumadwan anghil ya inkuanto, “Apaktak la! Apaktak lay Babilonia a makapanyari! Initdan toy alak iray amin a katoowan tan impasoot ton inomen da—say alak na kasalanan ton maoges a pilalek na laman!”

Puyan 16:19

Nankatlon apisag so makapanyarin siudad, tan nagnagba ray amin a siudad ed intiron mundo. Ag akaliktar ed dusay Dios so makapanyarin Babilonia. Anunotan na Dios so Babilonia, tan pinainom to na alak, say alak na ontan lan pasnuk to.

Puyan 17:1

Kasumpal to ya, dinmagod siak so sakey ed saramay pitoran anghil a sankaawit day pitoran yaung tan inkuanto, “Gala dia, ta ipanengneng kod sika no panoy kadusa na makapanyarin marotak a bii, a salanti say makapanyarin siudad a nipaalagey ed abay na amayamay ya ilog.

Puyan 17:18

“Samay biin anengneng mo sikatoy makapanyarin siudad a manoley ed saray ararid tapew na dalin.”

Puyan 17:5

Nisulat ed muling toy sakey a ngaran a niamut so kabaliksan to: “Say Makapanyarin Babilonia, ina da ray marotak tan mabanday a bibii ed intiron mundo.”

Puyan 18:10

Manalagey irad arawi, ta antakot irad paniirap to. Ikuanda, “Makapataktakot! Adusa ka, sikan bantug tan makapanyarin siudad na Babilonia ed loob labat na sakey oras!”

Puyan 18:18

tan ineyag da leleg dan nenengnengen so asewek na kapopoolan to, “Anggapo lay arum a miparad sayan makapanyarin siudad!”

Puyan 18:2

Ineyaeyag to, “Naplag la! Naplag lay makapanyarin Babilonia! Nagmaliw ya ayaman natan na saray dimonyo, prisowan na saray maoges ya ispiritu, tan obung na amin a klasiy marotak tan makapaingungot a manok.

Puyan 18:21

Insan dinemet na makapanyarin anghil so sakey a baton singa kabaleg na gilingan. Intupak tod dayat, tan inkuanto, “Onyay kakasil na kitupak na makapanyarin siudad na Babilonia, tan ag lan balut nanengneng!

Puyan 18:24

Adusay Babilonia, lapud nalmod sikatoy dala na saray propita, saray totooy Dios, tan amin a pinapatey ed tapew na dalin.