Puyan 11:3 - Maung A Balita Biblia

³ Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.”

Maung a Balita Biblia

³ Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.

Puyan 11:3 Iomraidhean Croise

Genesis 37:34

Pinilat nen Jacob so kawes to diad ermen to tan nansolung na sako. Abayag a nanermen lapud si anak to.

2 Samuel 3:31

Kanyan ingganggan nen David ed kinen Joab tan saray totoo to a pilaten day kawes da, mankawes iray sako, tan panermenan day Abner. Nen pompon, nanakar a tinmombuk si Ari David ed longun nen Abner.

1 Saray Arari 21:27

Nen asumpal a nansalitay Elias, pinilat nen Acab so kawes to, inekal to tan nansolung na sako. Ag angan, dinmokul ed sako, tan nanakar-akar a maerermen.

2 Saray Arari 19:1

Diad ermen nen Ari Ezekias nen nadngel toy imbalita da ra may opisyal to, pinilat toy kawes to, insan linmad dalem na Timplo na Katawan.

1 Saray Awaran 21:16

Tinmangay si David et anengneng to may anghil a manalalagey ed liwang, sankabembenan toy ispada to, tan akaparaan lan maneral ed Jerusalem. Insan si David tan saray pangulo da ray totoo—akakawes iran amin na sako—dinmakmomo ra ya anggad dalin.

Nehemias 9:1

Diad kumaduamplo tan apat ya agew ed saman met lamlamang a bulan, nantitipon iray totoo ta nanayuno ra a pangipanengneng day ermen dad saray kasalanan da. Imbibiig da lay sikaran dili ed amin da ray sangkaili. Nankakawes iray sako tan iniinan day dabuk so kaolowan da a tanday ermen da. Nanalegey ira, insan da ginapwan ya impapatwa iray kasalanan da tan saray kasalanan da ray lalaki ra.

Say Libro nen Job 16:15

Maneermen ak kanyan nankawes ak na sako, makapkapoy ak lan akayorung diad dabuk.

Saray Salmo 69:11

Mambabaliwan ak, et lapud saya, luludlureyen da ak.

Isaias 22:12

Diad saman, say Katawan a Dios a Makapanyarin-amin et tinatangguyor to kayon manakis tan manermen, mangiskis na kaoloan yo tan mankawes na sako.

Jeremias 1:10

Natad sayan agew iiter kod sikay pakaoley ed saray bansa tan saray nanarian, pian sikay mamagut tan mangigeba, maneral tan manalo, mamaalagey tan mangiletneg.”

Saray Tagleey 2:10

Andi-eseesel ya akayorung ed dalin iray mamasiken ed Jerusalem, Angyan iray dabuk ed kaoloan da tan nankakawes iray sako. Indadakmomo na saray mamarikit ed siudad so kaoloan da ya anggad dalin.

Ezekiel 4:6

No nasumpal mo ya, pigar kad nikawanan a diking mo tan manlikna kay kairapan lapud kasalanan na Juda diad loob na apataploy taon—sanagew para kapag sakey taon a dusa ra.

Daniel 12:7

Samay anghil inyonat tod tawen iray lima to tan nansambad ngaran na Andi-anggaan a Dios. Nadngel kon imbaga to, “Anggad onlabas so taloy taon tan kapaldua. No mansamput lay panagpairap ed saray totooy Dios, agawa la ya amin a bengatla.”

Daniel 7:25

Mansalita na sumpad Sankatageyan a Dios tan pairapen to ray totoo na Dios. Salien ton omanen iray ganggan na rilihion da tan saray pista ra, tan oleyan ton taloy taon tan kapaldua iray totoo na Dios.

Daniel 8:14

Nadngel kon inmebat imay sananey ya anghil, “Mansiansian sanlibo, sanlasus tan limamplon agew, tan legan to yan panaon labi tan kabwasan ya anggapoy nisaklang a bagat. Insan nipawil so gendat a kipapasen na Timplo.”

Joel 1:13

Mankawes kayoy sako tan mannangis kayo, sikayo ran paparin manlilingkur ed altar! Laka yod Timplo tan manermen kayon sanlabi! Anggapoy trigo odino alak a nibagat ed Dios yo.

Jonas 3:5

Sinisia na saray totood Ninive so impaibalita na Dios. Kanyan nampapaknaan da a manayuno so balang sakey ed sikara, tan amin a totoo, manlapud sankatageyan ya anggad sankaabebaay kipapasen, et nansolung ira na sako a pangipanengneng da a nagbabawi ra.

Jonas 3:8

Amin a too tan amin ya ayayep et nepeg a mansolung na sako. Balang too nepeg a benegan to la ray amin a maoges a kagagawa to tan amin a kaogsan a gagawaen to.

Saray Bilang 11:26

Saray duara ed saramay pitomplon pangulo, di Eldad tan Medad, et nanayam ira ed dalem na kampo tan ag ira linma ed kawalaan na samay Tulda. Dimad dalem na kampo dinmapod sikara so ispiritu, et ginapwan da met so inmeyag a singa saray propita.

Mateo 11:21

“Pakaskasi ka, Corazin! Pakaskasi ka met, Betsaida! Ta no dimad Tiro tan Sidon so akagawaan na sarayan milagro, abayag la ra komuy taga diman a nankawes na sako tan nampulapol na dapul ed laman da, a pakanengnengay impangibeneg dad saray kasalanan da!

Mateo 18:16

Balet no ag to ka dengelen mangitagar kay sakey o duaran totoo, pian napaneknekan na duara o taloran tasi ray amin a pantongtongan yo.

Lucas 10:13

“Pakaskasi ka, Corazin! Pakaskasi ka met, Betsaida! Ta no dimad Tiro tan Sidon so akagawaan na sarayan milagro, abayag la ra komuy taga diman a nankawes na sako tan nampulapol na dapul ed laman da, a pakanengnengay impangibeneg dad saray kasalanan da!

Lucas 24:48

Sikayoy tasi ed sarayan bengatla.

Juan 15:27

Tan mantasi kayo met na nipaakar ed siak, ta kaiba ta ki lan nanlapud gapo.

Juan 3:27

Inmebat si Juan, “Anggapoy antokaman a naawat na too, no ag iter na Dios ed sikato.

Saray Gawgawa 1:8

Balet naitdan kayoy pakayari no onsabid sikayoy Ispiritu Santo, tan magmaliw kayon tasik ed Jerusalem, diad intiron Judea tan Samaria, tan diad amin a sokung na mundo.”

Saray Gawgawa 13:31

tan pigay agew a nampanengneng ed saray akilad sikato a manlapud Galilea ya anggad Jerusalem. Sikara natay mantatasid sikato ed saray totood Israel.

Saray Gawgawa 2:32

Sayan Jesus pinaolid bilay na Dios, tan tasi kamin amin ed sayan agawa.

Saray Gawgawa 3:15

Kanyan pinatey yoy Manamalsay bilay, balet say Dios pinaoli tod bilay; sikami ray tasi ed sayan agawa.

1 CORINTO 12:28

Impasen na Dios ed iglisia, onona, saray apostol; onkumadwa, saray propita; onkumatlo, saray bumabangat. Insan impasen to ray managgawa na milagro, saray walay pakayarin mamaabig na mansasakit, saray mananulong, saray inkargado na kimey, tan saray managsalitay nandoroman salita.

2 CORINTO 13:1

Kumatlo la yan iyakar kod sikayo. “Antokaman a dalem, nepeg a paneknekay duara o taloran tasi,” onung na ibabagay Masanton Sulat.

TAGA-EFESO 4:11

Sikatoy angiter na langkap ed saray totoo; wala ray tinoro ton magmaliw ya apostol, saray arum propita, saray arum ibanghilista, saray arum pastor tan bumabangat.

Deuteronomio 17:6

Balet nayari labat a pateyen no walay duara odino dakel nen say duara a mantasin sumpad sikato; ag nepeg a pateyen no saksakey so mantasi.

Deuteronomio 19:15

“Kulang so sakey a tasi a mamaneknek a nankasalanan so toon naakusa; duara odino taloran tasi so nakaukolan.

Puyan 1:5

tan manlapu met ed Jesu-Cristo, say matoor a tasi, say pangulowan ya Anak ya inmolid bilay, tan sikato so manoley ed saray arari diad tapew na dalin. Inaro itayo nen Jesu-Cristo tan diad panamegley na dala to, imbolus to itayod saray kasalanan tayo.

Puyan 11:2

Balet ag mo la susukaten so kuarton walad paway na timplo, ta niiter lad saray Hintil, a sikaray manggatin-gatin ed Masanton Siudad ed loob na apataplo tan duay bulan.

Puyan 11:6

Walad sikaray pakayarin mangikaput na tawen, pian ag onoran legan dan ipupulong so salitay Dios. Wala met so pakayari rad saray danum; nayarian da a pagmaliwen iran dala. Wala met so pakayari ran mangiter ed dalin na antokaman a salot, kapag labay da.

Puyan 12:6

Binmatik ed kalawakan imay bii, diad pasen ya imparaay Dios ed sikato a dimay pakaasikasoan ed sikato diad loob na sanlibo, duan lasus tan anemaplon agew.

Puyan 13:5

Naabuloyan imay ayep a mampasirayew, mansalitay sumpad Dios, tan manoley ed loob na apataplo tan duay bulan.

Puyan 19:10

Dinmakmomo ak ed saliyan to a mangigalang ed sikato, balet inkuanto, “Aleg! Sakey ak met ya aripen a singa sika tan saray agagim ya amaneknek na katwaan ya impaamta nen Jesus. Say Dios so igalang mo!” Ta say katwaan ya impaamta nen Jesus sikatoy ispiritu na propisiya.

Puyan 20:4

Insan anengneng ko ray trono, tan saray akayorung et naitdan iray pakayarin manintinsia. Anengneng ko met so kamarerwa da ray pinapatey lapud impanpupulong dad katwaan ya impaamta nen Jesus tan say salitay Dios. Ag ira ya angigalang ed samay ayep o say talintao to; ag met amarkaay timbri na ayep so muling o lima ra. Abilay ira tan manari ran kaiba nen Cristo diad loob na sanliboy taon.