Puyan 11:18 - Maung A Balita Biblia

¹⁸ Akapasnuk iray Hintil, ta sinmabi lay panaon na pasnuk mo, say panintinsiam ed saray inaatey, say pangiter moy tumang ed saray propitan managlingkur mo, saray totoom, tan saray totoon walay panangigalang ed sika, atagey man o abebad kipapasen. Sikato ya met so panaon a paneral mod saray mandederal ed dalin!”

Maung a Balita Biblia

¹⁸ Akapasnuk iray Hintil, ta sinmabi lay panaon na pasnuk mo, say panintinsiam ed saray inaatey, say pangiter moy tumang ed saray propitan managlingkur mo, saray totoom, tan saray totoon walay panangigalang ed sika, atagey man o abebad kipapasen. Sikato ya met so panaon a paneral mod saray mandederal ed dalin!

Puyan 11:18 Iomraidhean Croise

Saray Salmo 103:11

No panoy kaatagey na tawen manlapud dalin, ontan met so kabaleg na panangaro tod saray mangigagalang ed sikato.

Saray Salmo 110:5

Say Katawan et walad nikawanan a diking mo; taloen to ray arari no sikato lay mamasnuk.

Saray Salmo 147:11

balet pakaliliketan to ray mangigagalang ed sikato, saray manmamatalek ed ag mangoman a panangaro to.

Saray Salmo 2:5

Insan lapud pasnuk to papasakbayan to ra, tan lapud petang na olo to tataktakoten to ra.

Saray Salmo 85:9

Peteg a sipaparaay Katawan a mangilaban ed saray mangigagalang ed sikato, et mansiansia ed dalin tayo so manangilaban a kiwawala to.

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Ecclesiastes 8:12

Anggaman a manggaway sanlasus a krimin so sakey a makasalanan, siansian mambilay. On, amtak so ibabaga ra, “No onuren moy Dios maung ya amin so kasumpalan na bilay mo,

Daniel 11:44

Insan nataktakot lapud balitan manlapud bokig tan baybay, kanyan mibakal na pinasya tan amayamay a totoo so napatey to.

Daniel 7:26

Insan nasintinsiaan ed mangatatawen a korti, naekal so pakayari to, tan naderal a sigput.

Daniel 8:25

Lapud masilib, mampalabo ed pampalikdo to. Ikinon toy laman ton dili tan pateyen ton anggapoy pasakbay iray dakel a totoo. Onsumlang ed anggan say sankatalonggaringan ya Ari, balet naderal ya anggapoy ikanan pakayari na too.

Mateo 5:12

Manliket tan manggayaga kayo, ta balbaleg so tumang yod tawen. Onya met so impampapairap na totood saray propita ya akaonan nambibilay nen sikayo.”

Lucas 1:50

ipanengneng toy panangasi to ed amin da ray mangigagalang ed sikato, manlapud sakey a kailalakan ya anggad ontombuk iran kailalakan.

Saray Hebreo 9:27

Nigetar ed balang too a maminsan ya ompatey, tan kasumpal to sintinsiaan na Dios.

Puyan 10:7

Oras a sinibuk na kumapiton anghil so trumpita to, gawaey Dios so niamut a plano to, onung na imbaga tod saray propitan managlingkur to.”

Puyan 11:2

Balet ag mo la susukaten so kuarton walad paway na timplo, ta niiter lad saray Hintil, a sikaray manggatin-gatin ed Masanton Siudad ed loob na apataplo tan duay bulan.

Puyan 13:10

Siopamay niganan nadakep, nadakep a tua. Siopamay niganan ompatey diad panamegley na ispada, ompatey a tua diad panamegley na ispada. Kanyan saray totooy Dios nakaukolan a mananos tan manisia ra.”

Puyan 13:16

Impamarkaan na samay ayep so kawanan a lima o muling da ray amin a katoowan, atagey may abeba ed kipapasen, mayaman may mairap-bilay, aripen may andi.

Puyan 14:10

inomen toy alak, say alak na pasnuk na Dios ya imbales ton anggapoy lauk ed kupay sanuk to! Napairap ed apoy tan asupri diad arap na Kordiro tan saray masanton anghil.

Puyan 15:1

Anengneng koy sakey nin baleg tan makapakelkelaw a sinyal ed tawen: pitoran anghil a sankaawit day pitoran salot. Sikara yay kaonuran a salot, ta sikara la yay samput a pangipanengneng na Dios na pasnuk to.

Puyan 15:7

Insan sakey ed saramay apatiran pinalsa a mabilay so angiter ed saramay pitoran anghil na pitoran balituk a yaung, a napnoy pasnuk na Dios, say Dios a mabilay ya anggad angga.

Puyan 18:6

Gawa yo met ed sikatoy ginawa tod sikayo; bales yo na mamidwad karakel so ginagawa to. Pano yoy kupa to na iinomen a mamidway kinabiskeg to ed samay impainom tod sikayo.

Puyan 19:15

Pinmaway so sakey a matdem ya ispada ed sangi to; sayan ispada so panalo tod saray bansa. Oleyan to ra yan bansa diad panamegley na balatyang a bastun, tan manlapud panagpespesay ubas, paagosen toy alak na baleg a pasnuk na Dios a Makapanyarin-amin.

Puyan 19:18

Gali dia, tan akan yo ray laman da ray arari, saray hiniral, tan saray sondalo, saray laman da ray kabayo tan saray akakabayo, saray laman na amin a katoowan—aripen man o andi, abeba man o atagey ed kipapasen!”

Puyan 19:5

Insan walay nansalitan nanlapud trono ya inkuanto, “Idayew yoy Dios tayo, sikayon amin ya aripen to, sikayon amin a mangigagalang ed sikato, matalonggaring man o andi!”

Puyan 20:12

Anengneng ko met a manalalagey ed arap na trono iray inaatey, atagey man o abeba ed kipapasen. Alokasan iray libro, insan alokasan niy sakey a libro—say libro na bilay. Saray inaatey asintinsiaan ira onung ed saray ginagawa ra a nisulat ed saramay libro.

Puyan 20:15

Nibantak ed dayat ya apoy so siopaman ya ag nisulat so ngaran tod libro na bilay.

Puyan 22:12

“Dengel kayo!” kuanen Jesus. “Onsabi ak lan magano! Awiten ko ray tumang ya iter kod balang sakey, onung ed ginagawa to.