Puyan 1:3 - Maung A Balita Biblia

³ Maliket so toon mambabasad sayan libro. Maliket met iray ondedengel ed saray ibabaga to yan propisiya tan manusumpal ed saray nisulat ed sayan libro! Ta asingger lay panaon na pakagawad sarayan amin.

Maung a Balita Biblia

³ Maliket so toon mambabasad sayan libro. Maliket met iray ondedengel ed saray ibabaga to yan propisiya tan manusumpal ed saray nisulat ed sayan libro! Ta asingger lay panaon na pakagawad sarayan amin.

Puyan 1:3 Iomraidhean Croise

Probirbio 8:34

Maliket so toon ondedengel ed siak— say toon manaayam ya inagew-agew ed puirtak, a manaalagar ed lolooban na abung ko.

Jeremias 51:61

Inkuankod kinen Seraias, “No kasabim ed Babilonia, ibasam ya andi-saew ed saray totoo iray amin a nisulat dia.

Mateo 24:15

“Onung na imbaga nen propita Daniel, nanengneng yoy ‘Makapataktakot a Managderal’ ya akaalagey ed masanton pasen. (Paimano ed saray mambabasa: talusan yoy labay to yan ibaga!)

Lucas 11:28

Balet inmebat si Jesus, “Lalo ni ingen a maliket iray ondedengel ed salitay Dios tan oonuren da!”

Saray Taga Roma 13:11

Nepeg yo yan gawaen lapud amta yo no anto la yan panaon. Panaon lan nepeg kayon onliing, ta say kilalaban tayo et magano la natan nen samay inggapo tayon manisia.

Saray Taga Roma 13:12

Ngalngali la mansamput so labi, tan ombubutay lay agew. Tondaan ti lay panggaway bengatlan kayaryay bilonget, tan egnaan ti la ray armas a kayaryay liwawa.

1 Pedro 4:7

Asingger lay anggaay amin a bengatla, kanyan nepeg a manadya tan mamparaan kayo, pian nayarian yoy mampikasi.

2 Pedro 3:8

Balet ag yo ya lilingwanan, inararon agagi: diad Katawan say sanagew et singa sanlibon taon tan say sanlibon taon et singa labat sanagew.

Puyan 22:10

Inkuanto nid siak, “Ag mo iyaamut iray salitan propisiya a wadyad sayan libro, ta asingger la ran nagawa.

Puyan 22:12

“Dengel kayo!” kuanen Jesus. “Onsabi ak lan magano! Awiten ko ray tumang ya iter kod balang sakey, onung ed ginagawa to.

Puyan 22:20

Ibabagay mamapaneknek ed saraya, “Talagan tua! Onsabi ak lan magano!” Amen. Onsabi ka la komun, Katawan a Jesus!

Puyan 3:11

Magano lay isabik. Asikasom iray walad sika, pian anggapoy makasamsam ed koronam.