Puyan 1:17 - Maung A Balita Biblia

¹⁷ Kanengneng kod sikato, singa ak inatey ya alokbub ed saliyan to. Balet intapew toy kawanan a lima tod siak tan inkuanto: “Ag ka natatakot! Siak so sankaonaan tan say sankasamputan.

Maung a Balita Biblia

¹⁷ Kanengneng kod sikato, singa ak inatey ya alokbub ed saliyan to. Balet intapew toy kawanan a lima tod siak tan inkuanto: Ag ka natatakot! Siak so sankaonaan tan say sankasamputan.

Puyan 1:17 Iomraidhean Croise

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Saray Salmo 139:5

Wala kad kaliber-liber ko; iyaagel mo ak diad panamegley na pakayarim.

Exodo 14:13

Inmebat si Moises, “Ag kayo natatakot! Pakpel yoy linawa yo, et nanengneng yo no antoy gawaen na Katawan a pangilaban tod sikayo ed sayan agew; ag yo la napidwan nanengneng ira yan Egipsio.

Exodo 20:20

Inmebat si Moises, “Ag kayo natatakot; sinmabi so Dios, ta suboken to kayo tan labay to kayon mangonur lawas ed sikato, pian ag kayo mankasalanan.”

Exodo 3:6

Siak so Dios na saray lalakim, say Dios di Abraham, Isaac, tan Jacob.” Sinakuban nen Moises so lupa to, ta tinmakot ya onnengneng ed Dios.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 41:4

Siopay angyabuloy ya onyay nagawa? Siopay angigetar na amin ya agawgawa ed imbeneg? Siak a Katawan a wala la ed gapoy gapo, tan siak a Katawan so niwala ed kasamputan.

Isaias 44:6

Say Katawan a manooley tan mangyaagel ed Israel, say Katawan a Makapanyarin-amin, kuanto, “Siak so sankaonaan tan say sankaonuran; anggapo lay arum a Dios no ag say siak labat.

Isaias 48:12

Say Katawan kuanto, “Dengel kad siak, Israel, saray totoon pinilik! Siak si Siak, say sankaonaan, tan say sankaonuran!

Saray Tagleey 3:57

Inebatan mo ak tan imbagam ed siak ya ag ak ontakot.

Ezekiel 1:28

tan walad sikatoy amin a kolor na bunlalakaw. Sikato yay mankidyam a liwawan mangipapanengneng na kiwawala na Katawan.

Daniel 10:12

Insan inkuanto, “Daniel, ag ka natatakot. Dinengel na Dios so pikakasim nanlapu lad samay ononan agew na impanpaabebam, pian nawalaan kay maung a pakatalus. Ebat na pikakasim so inyakar ko dia.

Daniel 10:15

Kayari to ra yan imbaga, ninmengneng ak ed dalin ya ag ak makasalita.

Habacuc 3:16

Narerengel ko ra yan amin, et manggiwgiw ak; manggigiwgiw ed takot iray bibil ko. Paligpalig so laman ko, mankitakit iray salik. Mandeen ak a manalagar ed isabiy panaon a dusaen na Dios iray ondodogpad sikami.

Mateo 14:27

Balet tampol ya inkuantod sikara, “Pakpel yoy loob yo, ta siak ya. Ag kayo natatakot!”

Mateo 28:4

Diad takot da ra may guardia ed samay anghil, manggiwgiw ira tan nagmaliw iran singa inatey.

Mateo 28:5

Akisalita may anghil diad saramay bibii, “Ag kayo natatakot. Kabat kon aanapen yoy Jesus ya impasak ed krus.

Juan 13:23

Akasaral ed pagew nen Jesus imay inararo ton disipulo.

Juan 21:20

Linmingaw si Pedro tan anengneng ton manomtombuk imay disipulon inararo nen Jesus—samay sinmaral ed pagew nen Jesus nen mamandem ira tan nantepet, “Katawan, siopay mantraidor ed sika?”

Puyan 1:11

Inkuanto, “Isulat moy nanenengneng mo, tan ipawit mo ed saray pitoran iglisia a walad Efeso, Esmirna, Pergamo, Tiatira, Sardis, Filadelfia, tan Laodicea.”

Puyan 1:4

Nanlapud kinen Juan yan sulat a para saray pitoran iglisia ed Asia: Nawalaan kayo komuy bindision tan kareenan a manlapud Dios—say Dios natan, nen saman, tan say onsabi—manlapud saray pitoran ispiritu a walad arap na trono to,

Puyan 1:8

“Siak so Alpha tan say Omega,” kuay Katawan a Dios a Makapanyarin-amin, say Dios natan, nen saman, tan say onsabi.

Puyan 2:8

“Isulat mod anghil na iglisia ed Esmirna: “Sikato yay ibabaga to may sankaonaan tan say sankasamputan, say inatey tan inmolid bilay.

Puyan 22:13

Siak so Alpha tan say Omega, say sankaonaan tan say sanka-samputan, say gapo tan say samput.”