Puyan 1:15 - Maung A Balita Biblia

¹⁵ Saray sali to singa ra gansan pinoolan ed palbaan insan pinasileng, tan say bosis to singa tanul na mabiskeg ya agos na danum.

Maung a Balita Biblia

¹⁵ Saray sali to singa ra gansan pinoolan ed palbaan insan pinasileng, tan say bosis to singa tanul na mabiskeg ya agos na danum.

Puyan 1:15 Iomraidhean Croise

Saray Salmo 93:4

Manaarid tawen so Katawan, matalonggaring ni nen say ungol na dayat tan makapanyari ni nen saray daluyon.

Isaias 17:13

Onsusulong a singa mapmaples a daluyon iray bansa, balet pamapasnukan ira na Dios kanyan onsesener ira, naoosilan iran singa dabuk ed alusadsar na palandey, odino taep ya itiktikyab na alimbusabos.

Ezekiel 1:24

Nen tinmikyab ira nadngel koy banesbes na saray payak da; singa ungol na dayat imay banesbes, singa tanul na amayamay a sondalo, singa bosis na Makapanyarin-amin a Dios. Nen tinmonda ra, kinopit da ra may payak da,

Ezekiel 1:7

Maptek so bikking tan ulpo ra, tan singa saray kokoy bakan kalakyan so koko ra. Mankidyam iran singa gansa.

Ezekiel 40:3

Inyasingger to ak, et anengneng koy sakey a lakin mankidyam a singa gansa. Sankabembenan toy sakey ya abel a panagsukat tan bislak a pangsukat tan manalalagey ed abay na dalan na puirta.

Ezekiel 43:2

et anengneng kod man a manlalapud bokig so mankidyam a liwawa na kiwawala na Dios ed Israel. Singa ungol na dayat so bosis na Dios, tan mankidyam so liwawa na mundo.

Daniel 10:6

Mankidyam a singa alahas so laman to. Singa kirmat so liwaway lupa to, tan singa mandarlang ya apoy iray mata to. Mansiayap a singa pinasileng a gansa iray taklay tan bikking to, tan makmaksil a singa ungol na olup na dakerakel a totoo so bosis to.

Puyan 10:1

Kasumpal to ya, anengneng ko niy sananey a makapanyarin anghil ya onaabeban nanlapud tawen. Akakawes na lorem, tan walay bonlalakaw ed tagey na olo to. Singa agew so lupa to, tan saray bikking to singa ra ankakabaleg a lusek ya apoy.

Puyan 14:2

Nadngel koy bosis a nanlapud tawen a singa tanul na mabiskeg ya agos tan dalagorug na maksil a karul. Say nadngel ko singa tanul na saray arpan totogtogen da ray managtogtog.

Puyan 19:6

Kasumpal to ya, nadngel koy singa bosis na amayamay a totoo, a singa ungol na mabiskeg ya onaagos a danum tan dalagorug na karul. Inkuanda, “Idayew yoy Dios! Ta Ari so Katawan, say Makapanyarin-amin a Dios tayo!

Puyan 2:18

“Isulat mod anghil na iglisiad Tiatira: “Sikato yay ibabagay Anak na Dios a saray mata to et mandarlang a singa apoy, tan saray sali to et singa pinasileng a gansa.