Puyan 1:10 - Maung A Balita Biblia

¹⁰ Aminsan ya agew na Katawan, niwala ak ed pakayari na Ispiritu tan nadngel kon nibeneg ko so maksil a bosis, a singa tanul na trumpita.

Maung a Balita Biblia

¹⁰ Aminsan ya agew na Katawan, niwala ak ed pakayari na Ispiritu tan nadngel kon nibeneg ko so maksil a bosis, a singa tanul na trumpita.

Puyan 1:10 Iomraidhean Croise

Saray Bilang 24:2

et anengneng to ray Israelita a walay kampo na kapag tribu. Linmoob ed sikato so ispiritu na Dios,

Mateo 22:43

Tinepet nen Jesus, “Akin sirin et si David, nen pinuyanan na Ispiritu, et tinawag toy ‘Katawan’ so Cristo? Ta inkuanen David,

Juan 20:19

Diad labi to man ya agew na Simba, nantitipon iray disipulo. Akatalak iray puirtay abung a nantitiponan da, lapud takot dad saray Judio. Sinmabiy Jesus tan nanalagey ed pegley da. Inkuantod sikara, “Say kareenan komun so walad sikayo!”

Juan 20:26

Kayariy waloy agew, nantitipon lamet ed loob na abung iray disipulo to. Kaiba ra lay Tomas. Akatalak iray puirta, balet linmoob si Jesus tan nanalagey ed pegley da. Inkuanto, “Say kareenan komun so walad sikayo!”

Saray Gawgawa 20:7

Diad ononan agew na sakey simba, nantitipon kami a manumpal na panagpisag na tinapay. Nampaliwaway Pablo ed saray totoo ya anggad pegley labi, ta onsiput lad kaimbuas.

1 CORINTO 12:3

Kanyan labay kon naamtaan yo ya anggapoy toon iwawanwan na Ispiritu na Dios a makapangikuan, “Naayew si Jesus!” Ag met nikuan na siopaman a toon ag iwawanwan na Ispiritu Santo, “Katawan si Jesus.”

1 CORINTO 16:2

Kapag Simba mangibiig lay kuarta so balang sakey ed sikayo onung ed nanaalmoan to, tan tipon yo pian ag la nakaukolay pankoliktay kuarta, no onsabi ak ditan.

Puyan 17:3

Niwala ak ed pakayari na Ispiritu, tan samay anghil inyakar to ak ed kalawakan. Anengneng kod may sakey a biin akayorung ed sakey ya ambalbalangan ayep. Pitoray olo to may ayep, samploray saklur to, tan nisulat ed intiron laman to ray ngarangaran a sumpad Dios.

Puyan 21:10

Niwala ak ed pakayari na Ispiritu, tan inyakar to ak may anghil ed toktok na atagtagey tan balbaleg a palandey. Impanengneng tod siak so Jerusalem, say Masanton Siudad, ya onleleksab a nanlapud tawen tan nanlapud Dios.