Probirbio 9:1 - Maung A Balita Biblia

¹ Say kakabatan amaalagey na abung to tan nanggawa na pitoran lusek to.

Maung a Balita Biblia

¹ Say kakabatan amaalagey na abung to tan nanggawa na pitoran lusek to.

Probirbio 9:1 Iomraidhean Croise

1 Saray Arari 7:21

Impaalagey nen Hiram ira yan duaran gansan lusek diad arap na lolooban ed Timplo: walad bandad abalaten so sakey ya angaranan na Jakin, tan walad bandad baybay so sakey ya angaranan na Booz.

1 Saray Arari 7:6

Say Baleg a Kuarto na Saray Lusek et duamplo tan anem a mitro so karokey to tan labinliman mitro so kaawang to. Walay balkon ton atarungan ya inagto na saray lusek.

Probirbio 1:20

Dengel kayo! Mankokolyaot ed saray dalan tan diad saray tindaan so kakabatan,

Probirbio 2:1

Anak ko, aral moy ibabangat kod sika tan ag mo lilingwanay pagagawak ed sika.

Probirbio 24:3

Saray abung et nipaalagey ira ed pundasion a kakabatan tan pakatalus.

Probirbio 3:1

Anak ko, ag mo lilingwanan so ibabangat kod sika. Nunot mo lawas iray ganggan kod sika.

Probirbio 8:1

Dengel kayo! Mankokolyaot so kakabatan. Mambabando so pakatalus pian narengel yo.

Isaias 55:1

Say Katawan kuanto, “Dago kayo, amin yon napgaan—niay danum! Dago kayo, sikayon anggapoy kuarta— manaliw kayoy trigo tan mangan kayo! Dago kayo! Manaliw kayoy alak tan gatas— anggapoy nepeg yon bayaran!

Mateo 16:18

Kanyan kuankod sika: sakey kan baton-dampay, Pedro, tan diad tapew na sayan baton-dampay a pundasion, ipaalagey koy iglisiak ya ag taloen na anggan say pakayari na patey.

TAGA GALACIA 2:9

Naamtaan di Santiago, Pedro, tan Juan, saray nabibirbir a lusek na iglisia, a say Dios so angiter ed siak na sayan nidoman kimey. Kanyan pinasamano da kami nen Bernabe a tanda na impangawat dad sikamin kakimeyan da. Nampapaknaan min onla kamid saray Hintil, tan onla ra balet ed saray Judio.

1 Timoteo 3:15

pian no bilang ta naabala ak tan ag ko makakar ditan a tampol, amtam no antoy nepeg a gawaey sakey a too ed pikakabyangan tod pamilyay Dios, salanti say iglisia na mabilay a Dios. Sayan iglisia et sikatoy lusek tan pundasion na katwaan.

Puyan 3:12

Say manalo pagmaliwen kon sakey a lusek ed timploy Dios ko, tan ag to lan balut taynan. Imarkak ed sikatoy ngaran na Dios ko, tan say ngaray siudad na Dios ko, salanti say balon Jerusalem ya onakseb a manlapud tawen tan manlapud Dios ko. Imarkak met ed sikatoy balon ngaran ko.