Probirbio 7:21 - Maung A Balita Biblia

²¹ Atukso tod limgas to tan atanggoyur tod panamegley na malamlamuyot a panagsalita to.

Maung a Balita Biblia

²¹ Atukso tod limgas to tan atanggoyur tod panamegley na malamlamuyot a panagsalita to.

Probirbio 7:21 Iomraidhean Croise

2 Saray Arari 4:8

Aminsan ya agew, linmay Eliseo ed baley na Sunem a dimay panaayaman na sakey a biin mayaman. Binagaan na sayan biin mayaman a mangan si Eliseo, tan nanlapud saman diman la mamangan si Eliseo kapag onlad saman a baley.

Nehemias 6:4

Amipat da ak a nampabakian, balet nampara so inebat kod sikara.

Saray Salmo 12:2

Mantitilaan la ray totoo; manlolokowan tan mampapalikdowan ira.

Probirbio 5:3

Masamit a singa dilo so bibil na arum a laki tan malamuyot a singa larak na oliba so kakaangub to.

Probirbio 6:24

Niarawi da kad saray marotak a bibii tan nipaliis da kad makaayat a panagsalita da ray asawa na arum a lalaki.

Probirbio 7:22

Ag abayag akilad sikato imay laki a singa bakan tetengtengen ed panagpateyan, singa ulsan dawit-dawit lan naerel ed patit,

Probirbio 7:5

Iyarawi da kad bibiin asawa na arum a lalaki, tan diad bibiin marotak a makaayat iray salita ra.

Lucas 14:23

Inkuan na amo, ‘Lakad saray daladalan tan saray leeleet diad paway na baley, tan pasoot mo ray totoon ondago, pian napanoy abung ko.

Lucas 24:29

Balet pinokpokan dan ag la ontutuloy a kuanda, “Mipundo ka la diad sikami, ta onseselek lay agew, insan onlalabi la ni met.” Kanyan akipundod sikara.

Saray Gawgawa 16:15

Nampabinyag si Lydia tan say intiron pamilya to. Insan to kami inimbitaan ya inkuanto, “Diman ki la mipundod abung ko, no ipapasen yo ak a matoor ed Katawan.” Mapilit so impangimbita to, kanyan linma kami.

2 CORINTO 5:14

Ta ooleyan kamiy aro nen Cristo, bangta bibirbiren min inatey so sakey a too para amin a katoowan; say labay to yan ibaga, minanabang so amin a katoowan ed impatey to.

Saray Huis 14:17

Nanakis imay bii ya anggad kumapiton agew na ponsia. Balet diad kumapiton agew imbaga nen Samson ed kinen asawa to so ebat na samay pabitla, ta sinmawa lad panetepet lan panetepet na asawa to. Insan imbaga na samay asawa to so ebat ed saramay Filisteo.

1 Samuel 28:23

Ag inmabuloy si Saul, tan inkuanton ag mangan na antokaman. Balet tinanggoyur met na saray opisyal to. Inmabuloy a siansia, binmangon, tan inmirung ed katri.