Probirbio 6:15 - Maung A Balita Biblia

¹⁵ Lapud saya, anggapoy pasakbay tan bigla-biglan onsabid sikaray deral, tan ipatey day kasugat da.

Maung a Balita Biblia

¹⁵ Lapud saya, anggapoy pasakbay tan bigla-biglan onsabid sikaray deral, tan ipatey day kasugat da.

Probirbio 6:15 Iomraidhean Croise

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

Saray Salmo 50:22

“Dengel yo ya, sikayon ag mangasasikasod siak, ta no andi, bingbingkasen ta kayo, et anggapoy mangyagel ed sikayo.

Saray Salmo 55:15

Biglan ompatey komun iray kalaban ko; onla ra komun a mabilay ed pasen a panaayaman da ray inaatey! Say kaogsan walad kaabungan tan kapusoan da.

Probirbio 1:26

Kanyan no onsabid sikayoy gunigon, elekan ta kayo. Ludlureyen ta kayo no nasabian kayoy takot,

Probirbio 1:27

singa mabiskeg a bagyo ya onsabid sikayo a sankaawit to ray masebeg tan maksil a dagem a manggunigon ed sikayo, et nairapan tan pangaskasiyan kayo.

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

Probirbio 24:16

Anggan mamimpigay katumba na toon maptek so panagbilay to, ombangon ya ombangon. Balet say toon maoges deral so onsasabid sikato.

Probirbio 24:22

Saratan a totoo et nayarin biglan naderal ira. Amtam so deral ya ipasabid sikara na Dios odino say ari?

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Probirbio 6:16

Wala ray pitoran bengatla a kabosul tan ag labay na Katawan: Say mapaatagey a nengneng, say matilan dila, saray liman managpatey na totoon anggapoy kasalanan, say kanunotan a managplano na saray kaogsan, saray salin masiglat a managgaway kaogsan, say tasin mantotombukay tila to, tan say toon manangigapoy golo ed saray sankakaaro.

Jeremias 19:11

tan ibagak ed sikara a say Katawan a Makapanyarin-amin inkuanto, “Betagen ko ra yan totoo tan sayan siudad a singa pametag ed sakey a banga pian ag lan balut natoop. Saray totoo ipompon da anggan diad Tofet iray inaatey da lapud anggapoy arum a pasen a pangipomponan.

Ezekiel 11:13

Legan kon mampropropisiya, inatey si Pelatia. Intikleb kod dalin tan ineyag ko, “O Katawan a Dios, pateyen mon amin iray totoon atilak ed Israel?”

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.