Probirbio 4:24 - Maung A Balita Biblia

²⁴ Ag kan balut mansasalita na aliwan tua. Ag ka mibabali ed palikdo.

Maung a Balita Biblia

²⁴ Ag kan balut mansasalita na aliwan tua. Ag ka mibabali ed palikdo.

Probirbio 4:24 Iomraidhean Croise

Say Libro nen Job 11:14

Ekal mod abung mo so kaogsan tan say kabaglan.

Saray Salmo 34:14

Arawian yoy kaogsan tan manggawa kayoy kamaungan; pampilalekan yod intiron puso so kareenan.

Probirbio 10:32

Saray totoon matonung amta ray salitan marakep ya ibalikas, balet saray totoon maoges ansakit a salita so lawas ibabalikas da.

Probirbio 17:20

Ag onaligwas so siopaman a toon mannununot tan mansasalitay kaogsan; kaderalan labat so pansumpalan to.

Probirbio 19:1

Magmaung niy toon mairap-bilay a maptek so panagbilay to nen say toon matila tan makulang-kulang.

Probirbio 4:25

Nengneng ka lawas a sitatalek ed lalaen mo; ag mo itetewek so olom diad kababaingan.

Probirbio 6:12

Onlan manliber-liber a mantila iray totoon maoges tan andi-kana.

Probirbio 8:13

Say pangigalang ed Katawan kabaliksan toy iyarawid kaogsan; kabosul koy panagpaatagey tan panaglastug, say maoges a kagagawa tan saray salitan tila.

Probirbio 8:8

Kaptekan ya amin so ibabalikas ko; anggapoy tila odino makapalingo.

Ezekiel 18:31

Tondaan yo la ray kaogsan a gagawaen yo, tan iyalaan yo lay sikayon dili na balon isip tan puso. Akin et labay yoy ompatey, sikayo ran Israelita?

COLOSAS 3:8

Balet natan, ekal yo la ra yad bilay yo: alabas a pasnuk, bosul, tan sakit na linawa. Ag ki la mampapaoges tan mansasalitay mabanday.

1 Timoteo 6:5

tan naynay a sangsangan na saray totoon pikewet so kanunotan tan ag mamirbir ed katwaan. Abaloan dan say rilihion et sakey ya anapan.

Santiago 1:21

Kanyan ikaindan yo lan amiy marotak a kagagawa, tan amin a maoges ya ogali. Suko kayod Dios tan awat yoy salitan intanem tod puso yo, ta sayan salita so makapangilaban ed sikayo.

Santiago 1:26

No ipasen na siopaman a sikatoy rilihioso, balet et ag to napatonday sangi tod panagsalitay kaogsan, titilaan to labat so sikaton dili tan andi-kakanaay rilihion to.

1 Pedro 2:1

Kanyan ekal yo lad bilay yo ray amin a kaogsan, panagtila, pansimpisimpitan, panagimon, panagpaoges na kagalangan.