Probirbio 31:4 - Maung A Balita Biblia

⁴ Dengel ka, Lemuel. Ag nepeg ya oninom na alak iray arari, odino pampilalekan dan inomen iray mabayanin iinomen.

Maung a Balita Biblia

⁴ Dengel ka, Lemuel. Ag nepeg ya oninom na alak iray arari, odino pampilalekan dan inomen iray mabayanin iinomen.

Probirbio 31:4 Iomraidhean Croise

1 Saray Arari 16:9

Nantraidoran nen Zimri a sakey ed saray opisyal ton makaoley ed kapalduad saray karwahi na ari. Aminsan ya agew, maniinom na alak ed Tirza so ari diad abung nen Arza a makaoley ed palasio.

1 Saray Arari 20:12

Naawat nen Ben-hadad so ebat nen Acab legan a sikato tan saray kakaiba ton pangulo et maniinoman irad dalem na saray tulda ra. Kanyan ingganggan tod saray totoo to a mamparaan iran ondogpa ed siudad; et namparaan ira.

Ester 1:10

Diad kumapiton agew na samay ponsia, maniinom tan maliket so ari, kanyan pinaloob to ray pitoran yunuko ya aripen to ran dili a di Mehuman, Bizta, Harbona, Begta, Abagta, Zetar, tan Carcas.

Ester 3:15

Lapud ganggan na ari nipaamtad saray totood Susa, say manonan siudad imay ganggan. Saray ibabaki impasabi rad saray luyag so balita. Naninoman so ari tan si Haman, legan a nagegewgew so intiron siudad na Susa.

Probirbio 20:1

Say alak pagmaliwen to kan maingal tan makulang-kulang. Inkakulang-kulang so pambuwek.

Probirbio 23:34

Naliknam a singa ka walad pegley na dayat tan ipapaligpalig na ankakabaleg a daluyon so kawalaan mon bapor.

Ecclesiastes 10:17

Balet maung so kipapasen na sakey a bansa no say manoley to et gawaen toy dilin labay to, tan makanepegan a mampista iray pangulo to, napokpokan day sikaran dili kanyan ag ira nabuwek.

Isaias 5:22

Pakaskasi kayo la! Sarag yon tuay maninom na alak! Masebeg tan anggapoy takot yo no nipaakar ed pantimplay alak!

Habacuc 2:5

Makapalikdo so kayamanan. Mapaatagey tan ag mampapainawa iray totoon maagom—ag iran balut napepenek a singa say patey. Kanyan ag ira ontotondan manakep na saray bansa tan saray totoo, pian nagamuran day labalabay da.