Probirbio 30:15 - Maung A Balita Biblia

¹⁵ Say linta walay duaran anak ton bii, tan say ngaran dan dua, “Itdan mo ak!” Walay apatiran bengatla ya ag iran balut napepenek;

Maung a Balita Biblia

¹⁵ Say linta walay duaran anak ton bii, tan say ngaran dan dua, Itdan mo ak! Walay apatiran bengatla ya ag iran balut napepenek;

Probirbio 30:15 Iomraidhean Croise

Probirbio 27:20

Saray pilalek na too et ag iran balut napepenek a singa say pasen a panaayaman da ray inaatey.

Probirbio 30:14

Wala ray totoon maruksa so panlalames dad saray mairap-bilay tan saray walad pankaukolan; onyay anapay bilay da.

Probirbio 30:16

say pasen a panaayaman da ray inaatey, say biin anggapoy anak to, say kinmelang a dalin a mankaukolan na oran, tan say pool ya ag la nasebseban.

Probirbio 30:21

Walay apatiran bengatla ya ag nayarin abuloyan na sankamundoan:

Probirbio 30:24

Diad mundo wala ray apatiran ayayep ya ankekelag, balet mapalaloy inkasilib da:

Probirbio 30:29

Wala ray apatiran bengatla a marakep iran bantayan no manaakar ira:

Probirbio 6:16

Wala ray pitoran bengatla a kabosul tan ag labay na Katawan: Say mapaatagey a nengneng, say matilan dila, saray liman managpatey na totoon anggapoy kasalanan, say kanunotan a managplano na saray kaogsan, saray salin masiglat a managgaway kaogsan, say tasin mantotombukay tila to, tan say toon manangigapoy golo ed saray sankakaaro.

Isaias 57:3

Dago kayo dia a pasintinsiaan, sikayon makasalanan! Anggapoy pidomaan yod saray managanito, managkalugoran, tan saray marotak a bibii.

Oseas 4:18

Kayari ran oninom na pinasyan alak, manliket irad piakdul dad saray marotak a bibii; labay da niy napelag ed kababaingan nen say makagamur na kagalangan.

Amos 1:11

Say Katawan kuanto, “Nankakasalanan iray totoon taga Edom, kanyan andi-saew a dusaen ko ra. Inoosilan day ispada iray lalakin agagi ra ya Israelita, tan ag da ran balut kinasian. Anggapoy anggaan so pasnuk da tan ag dan balut pinakepa.

Amos 1:13

Say Katawan kuanto, “Nankakasalanan iray taga Ammon, kanyan andi-saew a dusaen ko ra. Diad impibakal dan manakop na arum iran dalin, binubutyakan da ray anggan bibiin malokun ed Galaad.

Amos 1:3

Say Katawan kuanto, “Nankakasalanan iray totood Damasco, kanyan andi-saew a dusaen ko ra. Mapalaloy impanduduksa rad saray totood Galaad.

Amos 1:6

Say Katawan kuanto, “Nankakasalanan iray taga Gaza, kanyan andi-saew a dusaen ko ra. Inaala da ray amin a totood saman a bansa, insan da ra inlalakon aripen ed saray taga Edom.

Amos 1:9

Say Katawan kuanto, “Nankakasalanan iray taga Tiro, kanyan andi-saew a dusaen ko ra. Inyaakar dan adakep ed dalin na Edom iray amin a totood sakey a bansa, tan ag da tinoor so impisipanan dan mikaaro.

Amos 2:1

Say Katawan kuanto, “Nankakasalanan iray totoon taga Moab, kanyan andi-saew a dusaen ko ra. Ag da pinagalangan iray pokel na ari na Edom diad impamool dad sikara ya anggad dinmapol ira.

Amos 2:4

Say Katawan kuanto, “Nankakasalanan iray totood Juda, kanyan andi-saew a dusaen ko ra. Impolisay da ray bangat ko tan ag da inonur iray ganggan ko. Imbalang ira na saray tila-tilan diriyos a nanlilingkuran na saray lalaki ra.

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Mateo 23:32

Sigi sirin, ituloy yoy inggapo nen saman na saray lalaki yo!

Juan 8:39

Inmebat irad sikato, “Si Abraham so ama mi.” Inkuanen Jesus ed sikara, “No tuan anak kayo nen Abraham, aligen yo komun iray gawa to.

Juan 8:44

Say Diablo so ama yo, kanyan labay yon gawaen iray pilalek na ama yo. Sikatoy managpatey na too nanlapu lad gapo. Sumlang ed katwaan lawas, lapud anggapoy katwaan ed sikato. Ogali toy mantila, lapud sikatoy matila tan sikatoy ama na panagtila.

Saray Taga Roma 16:18

Saratan a klasiy totoo et ag da panlilingkuray Criston Katawan tayo, no ag say dilin pilalek da. Lapud malamlamuyot tan masamsamit a pananalita ra, ibabalang da so kanunotan da ray totoon mainomay a natanggoyur.

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!