Probirbio 3:1 - Maung A Balita Biblia

¹ Anak ko, ag mo lilingwanan so ibabangat kod sika. Nunot mo lawas iray ganggan kod sika.

Maung a Balita Biblia

¹ Anak ko, ag mo lilingwanan so ibabangat kod sika. Nunot mo lawas iray ganggan kod sika.

Probirbio 3:1 Iomraidhean Croise

Saray Salmo 119:11

Iyootel kod pusok so ganggan mo, pian ag ak mankasalanan ed sika.

Saray Salmo 119:153

Imanom pay paniirap ko, tan ilaban mo ak, ta ag ko inkaindan so ganggan mo.

Saray Salmo 119:16

Panliliketan ko ray ganggan mo; ag ko lingwanan iray ganggan mo.

Saray Salmo 119:176

Akar-akar ak a singa abalang a karniro; anap mo ak pa sirin ya aripen mo, ta ag ko inkaindan iray ganggan mo.

Saray Salmo 119:34

Itdan mo ak pay pakatalus pian naonur koy ganggan mo; onuren ko ed intiron pusok.

Saray Salmo 119:61

Saray maoges a totoo pinatitan da ak, balet ag ko lilingwanan so ganggan mo.

Saray Salmo 119:93

Ag kon balut ikaindan iray bilibilin mo, ta diad panamegley da, pansiasiansiaen mo ak a mabilay.

Saray Salmo 91:16

Tumangan ko ra na andokey a bilay, tan ilaban ko ra.”

Exodo 20:6

Balet aroen ko ray nilibon kailalakan na saray mangarod siak tan mangonur na saray ganggan ko.

Probirbio 1:8

Anak ko, dengel moy ibabaga na amam tan inam.

Probirbio 16:31

Say andokey a bilay et sikatoy tumang na saray totoon matonung; mapagalang a korona so ampotin buek.

Probirbio 2:1

Anak ko, aral moy ibabangat kod sika tan ag mo lilingwanay pagagawak ed sika.

Probirbio 23:26

Anak ko, dengel kan maung ed siak, tan alig mo ak ed kabibilay ko.

Probirbio 31:5

No oninom ira nalingwanan da ray ganggan tan napaolyan da la ray kanepegan na saray walad pankaukolan.

Probirbio 4:2

Maung iray ibabangat ko, kanyan ag yo ra lilingwanan ya amin.

Probirbio 4:21

Ag mo aabuloyan a nalingwanan mo ra. Nudnunot mo ra tan yan mo rad pusom.

Probirbio 4:5

Anap mo so kakabatan tan say pakatalus! Ag mo lilingwanan o ipopolisay iray ibabagak.

Probirbio 8:1

Dengel kayo! Mankokolyaot so kakabatan. Mambabando so pakatalus pian narengel yo.

Probirbio 9:1

Say kakabatan amaalagey na abung to tan nanggawa na pitoran lusek to.

Isaias 51:17

Jerusalem, liing ka! Molagat ka tan bangon ka! Inminom kad kupa na dusa a diad pasnuk na Katawan et inter tod sikan inomen mo; ininom mo, et nampadongilngil ed sika.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Deuteronomio 4:23

Manalwar kayo ta ompan nalingoanan yo so impisipanan ed sikayo na Katawan a Dios yo. Onur yoy ganggan to ya ag kayo manggagawa na antokaman a talintaoy dios,

Deuteronomio 4:9

Manalwar kayo! Ag yon balut lilingwanan, legay bilay yo, imay anengneng na dilin mata yo. Ibaga yod saray anak yo tan saray apo yo

Deuteronomio 5:16

“‘Igalang moy amam tan say inam, onung na ingganggan ko, siak a Katawan a Dios mo, ed sika, pian maung lawas so kipapasen mo tan andokey so pambilay mo ed dalin ya iter kod sika.

Deuteronomio 5:33

Onur yo ran amin, pian maung lawas so kipapasen yo tan mansiansia kayon mambilay ed dalin a panayaman yo.

Deuteronomio 8:1

“Pampelengan yon onuren iray amin a ganggan ya inter kod sikayo natad sayan agew, pian mansiansia kayon mambilay, ondakel kayo, tan napanayaman yoy dalin ya insipan na Katawan ed saray lalaki yo.