22 Say toon maipapasnuk panlapwan na dakel a kolkolan tan golo.
Sakey a samba komuy niwala ed pasnuk da, lapud alablabas, Tan diad petang na olo ra, lapud mapalalon maruksa. Ikaykayat ko rad intiron dalin na Israel. Itaytayak ko rad saray totoo na Israel.
Say bosul manangigapoy golo, balet say aro manamaandiy amin a kasalanan.
Saray totoon mapasnuk manggagawa ray andi-kabaliksan; saray totoon lalon makabat mansiasiansia ran mareen.
Say toon mapetang na olo igagapo toy sangsangan, balet say toon maanos mangiiter na kareenan.
Say panlabay ed kasalanan et panlabay ed golo. No malastug ka lawas, goloy aanapen mo.
Ag ka mikakaaro ed saray totoon mapetang na olo tan maruksa,
Say oring papepetangen toy ngalab, say kiew padadalangen toy apoy, tan saray magolo pansiasiansiaen day kolkolan.
Saray totoo makakaaral irad kapara ran totoo, a singa say balatyang et patataremen toy kapara ton balatyang.
No iter moy amin a labay na aripen mo manlapud ogaw ni, onsabiy agew a panoleyan toy amin a kayaryan mo.
No batien moy gatas, napapaway moy kiso. No ponitien moy eleng na kaparam a too, ondala. No songluran moy pasnuk, golo so nasagmak mo.
Ta no iner so kawalaay imon tan pantatalonaan, diman met so kawalaay golo tan amin a klasin kaogsan.