Probirbio 29:11 - Maung A Balita Biblia

¹¹ Saray totoon makulang-kulang ag da iyaamut so pasnuk da, balet maanos tan napokpokan day pasnuk da iray totoon ikakana ray olo ra.

Maung a Balita Biblia

¹¹ Saray totoon makulang-kulang ag da iyaamut so pasnuk da, balet maanos tan napokpokan day pasnuk da iray totoon ikakana ray olo ra.

Probirbio 29:11 Iomraidhean Croise

Probirbio 12:16

No makapasnuk so makulang-kulang a too tampol ya ipapatnag to, balet say toon makatalus palalabasen toy panamabaing.

Probirbio 12:23

Saray totoon makabat ag to ipanpanta a walay amta to, balet say makulang-kulang ibabawag toy inkakulang-kulang to.

Probirbio 14:33

Kakabatan so walad balang kanunotan na toon ikakana toy olo to; saray totoon makulang-kulang anggapoy amta ran nipaakar ed kakabatan.

Probirbio 19:11

No ikanam so olom pokpokan moy pasnuk mo. No nanggawad sika na makapoy so kaparam a too, kagalangan mo no palabasen mo.

Amos 5:13

Kanyan diad sarayan maoges a panaon maung lay ag oneseesel so too.

Mikias 7:5

Ag yo sisigsiaen so kaabay yo odino panmamatalkan so kaaro yo. Alwaran yoy ibabagayo ed anggan dilin asawa yo.

Saray Huis 16:17

kanyan imbaga toy tua, “Ag nin balut apotutan so buek ko,” inkuanto. “Nisaklang ak ed Dios a sakey a Nazareo nanlapu lad inkianak ko. No napotutan so buek ko, naandi so biskeg ko tan magmaliw a singa biskeg na arum a too so biskeg ko.”