Probirbio 28:18 - Maung A Balita Biblia

¹⁸ Mambilay kan maptek, et arawi kad kaatapan. No pikewet so panagbilay mo, bigla kan napelag.

Maung a Balita Biblia

¹⁸ Mambilay kan maptek, et arawi kad kaatapan. No pikewet so panagbilay mo, bigla kan napelag.

Probirbio 28:18 Iomraidhean Croise

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

Saray Salmo 25:21

Iyagel ak komun na kaabigan tan kaptekan ko, ta manmamatalek ak ed sika.

Saray Salmo 26:11

Siak balet, maung so gagawaen ko; kasian tan ilaban mo ak pa!

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Probirbio 10:25

Naandipat iray totoon maoges no ondalan so bagyo, balet lawas arawid kaatapan iray totoon matonung.

Probirbio 10:27

Makaparokey na bilay so pangigalang ed Katawan. Saray totoon maoges ompatey ira kasakbayay panaon da.

Probirbio 10:9

Arawid kaatapan iray totoon maptek so panagbilay da, balet naerel iray totoon pikewet so panagbilay da.

Probirbio 28:10

No palikdoen mon manggaway kaogsan so toon maptek, napelag kad dilin patit mo. Say toon anggapod sikatoy pakabalawan natumangan na amayamay a kaabigan.

Probirbio 28:6

Magmaung niy toon mairap-bilay a maptek so kabibilay to nen say mayaman a maoges so kabibilay to.

Saray Bilang 22:21

Kanyan kaimbuas si Balaam kinmabayod asno to tan akilad saramay pangulo da ray Moabita.

Saray Bilang 22:32

Inkuanto may anghil, “Akin et amitlom a pinekpek yay asnom? Linma ak diad mamaat na kurang mo, lapud ag ka nepeg a mila.

Saray Bilang 22:35

Balet inkuan na samay anghil, “Mila kad sarayan totoo, balet salitam labat so paibagak ed sika.” Kanyan intuloy nen Balaam so akilad sikara.

TAGA GALACIA 2:14

Nen anengneng kon ag ira mambibilay na maptek onung ed katwaan na Maung a Balita, inkuankod kinen Pedro diad arap dan amin, “No sika, anta Judio ka et mambibilay kan singa Hintil, ya aliwan singa kabibilay na Judio, panon mon napasoot iray Hintil a mambilay a singa saray Judio?”

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Puyan 3:3

Nunot mon maung sirin no anto ray nibangat ed sika tan nadngel mo. Sumpal mo ra, tan mampatauli ka. No ag ka onliing, singa ak matakew ya onlad sika—ag mo amta so oras na isabik.