Probirbio 28:17 - Maung A Balita Biblia

¹⁷ Say toon akapatey na kapara ton too et gaganatan ton kotkotan so dilin lobuk to. Ag mo babanoen.

Maung a Balita Biblia

¹⁷ Say toon akapatey na kapara ton too et gaganatan ton kotkotan so dilin lobuk to. Ag mo babanoen.

Probirbio 28:17 Iomraidhean Croise

Genesis 4:12

No ondalus ka, anggapoy naanim; magmaliw kan anggapoy abung tan akar-akar ka diad tapew na dalin.”

Genesis 9:6

Siopamay mamatey na too pateyen met na kapara ton too, ta apalsan kaolibay na Dios so too.

2 Samuel 13:34

Batik la balet si Absalom. Kabebekta say bantay anengneng tod dalan ed gilig na palandey so olup na totoon onsasabin nanlapud Horanaim. Linmad kinen ari tan imbalita toy anengneng to.

2 Samuel 18:15

Insan samploran sondalo nen Joab so inmasingger tan nilaos dan pinatey.

1 Saray Arari 2:29

Nen nibalitad kinen Ari Solomon a batik ed Tuldan Ayamay Katawan si Joab tan walad abay na altar, angibaki na toon anepet ed sikato no akin et batik ed altar. Inmebat si Joab a sikatoy batik ed Katawan, ta antakot toy Solomon. Kanyan imbaki nen Ari Solomon si Benaya a pateyen toy Joab.

1 Saray Arari 21:19

Ibagam ed sikato a siak, say Katawan, kuankod sikato, ‘Anta pinatey mo la may too, alaen mo ni lamet so kayaryan to?’ Ibagam ed sikaton onyay kuanko, ‘Dildilan na saray aso so dalam ed pasen a nandildilan na saray aso ed dala nen Nabot!’”

1 Saray Arari 21:23

Inkuan met na Katawan a kanen na saray aso diad siudad na Jezreel so bangkay nen Jezebel.

2 Saray Arari 9:26

‘Anengneng ko karuman so impamatey ed kinen Nabot tan saray anak ton lalaki. Isipan kon dusaen ta kad sayan alog.’ Kanyan alam so bangkay nen Joram,” ganggan nen Jehu ed kapitan, “ta ibantak mod alog nen Nabot, onung na imbagay Katawan.”

Exodo 21:14

Balet no say sakey a too et akapasnuk tan ginagala ton pinatay so kapara ton too, nepeg ya alaen a pateyen anggan binmatik lad altar ko.

Jeremias 41:15

Balet nibatikan nen Ismael tan saramay waloran kakaiba to si Johanan, insan linma rad dalin na Ammon.

Saray Gawgawa 28:4

Nen anengneng na saramay tagad man imay oleg ya akabitin ed lima to, inkuandad sakey tan sakey, “Talagan managpatey yan too. Nilaban a tuad dayat, balet ag inyabuloy na Kapalaran a mambilay.”

Deuteronomio 19:11

“Balet antoy gawaen no bilang say sakey a too et ginagala ton pinatey so kalaban to, insan ombatik ya onsalimbeng ed sakey ed sarayan siudad?