Probirbio 28:14 - Maung A Balita Biblia

¹⁴ Toluk mo lawas so Katawan, et magmaliw kan maliket. No anawet so olom naderal ka.

Maung a Balita Biblia

¹⁴ Toluk mo lawas so Katawan, et magmaliw kan maliket. No anawet so olom naderal ka.

Probirbio 28:14 Iomraidhean Croise

Say Libro nen Job 9:4

Ontan lay kakabatan tan biskeg na Dios; anggapoy makasumlang ed sikato.

Saray Salmo 112:1

Idayew yoy Katawan! Maliket so toon mangigagalang ed Katawan, tan makaliliket a mangoonur ed saray ganggan to.

Saray Salmo 16:8

Ag ko lawas nalingwanan so kiwawalay Katawan; walad abay ko, tan ag ak nasigensigen na antokaman.

Saray Salmo 2:11

Sitatakot kayon manlingkur ed Katawan; giwgiw

Saray Salmo 95:8

“Ag yo papaawetey olo yo, a singa saray lalaki yo nen wala rad Meriba, a singa sikara nen samay agew a wala rad kalawakay Masa.

Exodo 14:23

Inosilan ira na saray Egipsio tan tinombuk da ra ya anggad pegley na dayat, pati saray amin a kabayo ra, saray karwahi ra, tan saray kutsiro ra.

Exodo 7:22

Insan saray managsalamangka na ari inalig da so ginawa nen Aaron lapud dunong dan mansalamangka. Kanyan anawet nin siansia so puso na ari. Onung na imbaga la na Katawan, say ari ag to ra dinengel di Moises tan Aaron.

Exodo 7:23

Pinmoliktar la laingen a pinmawil ed palasio to tan ag to insingansingan so agawa.

Probirbio 23:17

Ag mo iibegan iray totoon makasalanan; igalang mo lawas so Katawan.

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Ecclesiastes 8:12

Anggaman a manggaway sanlasus a krimin so sakey a makasalanan, siansian mambilay. On, amtak so ibabaga ra, “No onuren moy Dios maung ya amin so kasumpalan na bilay mo,

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Jeremias 32:40

Misipanan ak na andi-anggaan ed sikara. Ag ak ontondan manggaway kamaungan ed sikara, tan pagmaliwen ko ran ontakot ed siak diad intiron puso ra, pian ag da ak lan balut benegan.

Saray Taga Roma 11:20

On, tua tay kuanmo. Apoter ira, ta ag ira anisia; nisoldung ka, ta manisia ka. Kanyan ag ka mampapaatagey; ontakot ka ingen.

Saray Taga Roma 2:4

Babalawen mo kasiy baleg a panangasi, anos, tan tepel na Dios? Ag mo ta amtan say kaabigan na Dios et dagdagen to kan magbabawi?

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Saray Hebreo 4:1

Natan ta insipay Dios a makapampainawa tayo, nakaukolan a manalwar tayo ta ompan walad sikayoy ag makagamur ed satan a sipan.

1 Pedro 1:17

Say Dios anggapoy lalabien to. Sintinsiaan toy balang sakey onung ed saray ginagawa to; tan lapud tatawagen yo na Ama, nepeg yon pagalangan legay panayam yo a sangkaili diad tapew na dalin.