Probirbio 28:1 - Maung A Balita Biblia

¹ Ombabatik iray totoon maoges anggaman ya anggapoy onoosil ed sikara, balet saray totoon maptek so panagbilay da masebeg ira a singa lion.

Maung a Balita Biblia

¹ Ombabatik iray totoon maoges anggaman ya anggapoy onoosil ed sikara, balet saray totoon maptek so panagbilay da masebeg ira a singa lion.

Probirbio 28:1 Iomraidhean Croise

1 Saray Arari 1:49

Insan tinmakot iray bisita nen Adonias, kanyan inmalagey iran amin tan nagsitaynan la ran amin.

2 Saray Arari 7:15

Linma ra ya anggad Jordan, tan diad dalan anengneng da ray kawes tan saray kagawaan ya intitilak na saray Siriano diad imbatik da. Insan ira pinmawil tan imbaga rad ari so agawa.

Nehemias 6:11

Inmebat ak ed sikato, “Aliwa ak a toon batik-batik tan amut-amut. Abaloan mon onamut ak ed Timplo lapud pangawanan koy bilay ko? Ag ak onla.”

Say Libro nen Job 15:21

Makapataktakot iran tanul so narengel to, tan dogpaan na saray tutulisan no abaloan ton arawid kaatapan.

Saray Salmo 112:7

Ag antakot a makadngel na maoges a balita; mabiskeg so pananisia to, tan manmamatalek ed Katawan.

Saray Salmo 53:5

Balet ontan lay kataktakot da; anggapo niy asali ran onyan takot; ta ibuyak na Dios iray pokepokel na saray kalaban da ray totoo to. Impolisay ira na Dios, kanyan sigput a taloen ira na Israel.

Saray Salmo 53:6

Oy la komun ta nagamuran la na Israel so pananalo a manlalapud Sion! Ontan lay panliket na saray totood Israel no paaligwasen ira lamet na Katawan.

Exodo 11:8

Insumpal nen Moises so pansasalita to diad impangikuanto, “Ondagod siak ya amin iray opisyal mo tan ondakmomo rad siak, tan kerewen dad siak ya itaynan ko la ray amin a totook. Kayari to tan, ontaynan ak la.” Insan linma lay Moises a mapalaloy pasnuk to.

Probirbio 10:9

Arawid kaatapan iray totoon maptek so panagbilay da, balet naerel iray totoon pikewet so panagbilay da.

Probirbio 27:27

Saray natilak a kanding mo itdan da kay gatas, saray kabyangay pamilyam, tan saray katulong mon bibii.

Isaias 30:17

Ombatik, so sanlibod sikayo no nanengneng yoy sakey a sondalon kalaban, et masarag lay limaran sondalo a mamabatik ed sikayon amin. Anggapoy natilak ed saray sondalo yo likud ed begbegtew a bandira ya akabitin ed sakey a tiken a walad tapew na pokdul.

Isaias 7:2

Nen akabatan na ari na Juda a saray sondalo na Siria et akasabi la rad dalin na Israel, mapalaloy inkataktakot to tan saray amin a totoo to. Manggiwgiw ira tan singa ra kakiewan ya ipapalig na mabiskeg a dagem.

Jeremias 20:4

Ta say Katawan inkuanto, ‘Gawaen ta kan makapataktakot ed sikan dili tan diad saray kakaarom, tan nanengneng mo ran amin a pateyen ed ispada na saray kalaban da. Ipasilong kod pakayari na ari na Babilonia iray amin a totood Juda. Pateyen to ray arum ed sikara tan saray arum awiten to ran adakep ed Babilonia.

Levitico 26:17

Sumlangen ta kayo pian natalo kayo; oleyan kayo na saray kalaban yo tan diad ontan lan kataktakot yo ombatik kayo anggan anggapoy mangoosil ed sikayo.

Levitico 26:36

“Pagmaliwen ta kayon mapalalon matakot, sikayon nibantak ed arum a bansa, kanyan anggan diad kalasakas labat na bolung ombatik ki la. Ombatik kayon singa oosilan ed bakal tan natumba kayo, anggan anggapoy kalaban ed abay yo.

Saray Gawgawa 14:3

Abayag ira may apostol diman, tan makpel so linawa ran nampupulong na nipaakar ed Katawan. Pinaneknekan na Katawan a tuay impupulong dan nipaakar ed baleg a panangaro to, diad panamegley na impangiter tod sikaray pakayarin manggawa na saray milagro tan pakelaw.

Saray Gawgawa 4:13

Mankelaw iray kabyangay Sanidrin ed tepel na linawa di Pedro tan Juan. Lalon mankelaw ira nen naamtaan da ya ordinario labat iran totoo, tan anggapoy aral da. Naamtaan dad satan a kabkaiba ray Jesus nen saman.

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Deuteronomio 28:7

“Say Katawan taloen to ray kalaban yo no dogpaan da kayo. Dogpaan da kayo ed sakey a dapag, balet ibatikan da kayod amin a dapag.

1 TESALONICA 2:2

Amta yon pinapabaingan tan pinapairap da kamid Filipos. Balet anggaman a dakel so makasbel, pinabiskeg na Dios so linawa mi a mangipulong na Maung a Balitan nanlapud sikato.