Probirbio 27:23 - Maung A Balita Biblia

²³ Apiapiger mon komponien iray karnirom tan saray bakam,

Maung a Balita Biblia

²³ Apiapiger mon komponien iray karnirom tan saray bakam,

Probirbio 27:23 Iomraidhean Croise

Genesis 33:13

Inmebat si Jacob, “Naksawan tan makapoy la ra yay ogogaw, insan sakey ni, nakaukolan ya asikasoen ko ra yay karniro tan baka tan saray kilaw da. No dagdagen iran manakar a masiglat ed sanagew labat, ompatey iran amin.

2 Saray Awaran 26:10

Nampapaalagey met na saray aliber na padir a tori diad kaalogan, tan nampapakotkot na amayamay a bobun, lapud amayamay iray ayayep to ed saray alusadsar tan saray patar ed bokig. Lapud maliket ed panagtanaman, tinanggoyur to ray totoon mantanem ira na ubas tan saray arum nin tanaman diad saray kapokdulan tan diad saray mataban dalin.

Exodo 7:23

Pinmoliktar la laingen a pinmawil ed palasio to tan ag to insingansingan so agawa.

Probirbio 24:27

Mananap ka niy pankimeyan mo, iparaan moy alog mo, kasakbayan a mangipaalagey kay abung mo tan mampamilya ka.

Probirbio 24:32

Ninengneng ko ya, dinalepdep ko, tan saya so naaralan ko:

Jeremias 31:10

Say Katawan kuanto, “Dengel yo ak, sikayo ran bansa, tan ibawag yod arawi ran gilig na dayat iray salitak. Inkaykayat ko ray totook, balet tiponen ko ra, bantayan ko ran singa pambabantay na pumapastol ed saray karniro to.

Ezekiel 34:12

a singa pangasikaso na pumapastol ed saray karniro to ran nikaykayat balet atiptipon ira lamet. Isempet ko ra a manlapud saray pasen a nikaykayatan da diad samay agew ya ambilonget tan maatap.

Ezekiel 34:31

“Sikayo ran karnirok, say poluk a papakanen ko, et sikayo ray totook, tan siak so Dios yo,” kuay Katawan a Dios.

Juan 10:3

Lolokasan na managbantay na puirta tan derengelen na saray karniro so bosis to. Tatawagen tod kangaranan da ray karniro to, tan ipapaway to ra.

Deuteronomio 32:46

inkuanto, “Pampelengan yon onuren iray ganggan ya inter kod sikayo natad sayan agew. Ibangat yo ra ed saray anak yo, pian matoor da met ya onuren iray amin a bangat na Dios.

1 Pedro 5:2

pastolan yoy poluk da ray karniro na Dios ya impalima tod sikayo. Asikaso yon mabolbolus onung ed linaway Dios, aliwan diad pasootan. Gawa yoy kimey yo, aliwa labat a lapud pangawat yoy bayar, no ag ingen lapud liket yon manlingkur.

1 Samuel 17:28

Si Eliab a sankapangulowanan a kuya nen David, nadngel toy David a mitotongtong ed saray totoo. Asanukan ed kinen David tan kuanto, “Antoy gagawaen mo dia? Siopay manaasikasod saray pigaran karniro diad kalawakan? Mamaung ka! Linma ka dia labat a mambantay ed bakal!”