Probirbio 27:20 - Maung A Balita Biblia

²⁰ Saray pilalek na too et ag iran balut napepenek a singa say pasen a panaayaman da ray inaatey.

Maung a Balita Biblia

²⁰ Saray pilalek na too et ag iran balut napepenek a singa say pasen a panaayaman da ray inaatey.

Probirbio 27:20 Iomraidhean Croise

Say Libro nen Job 26:6

Sankanengneng na Dios so pasen a panaayaman da ray inaatey; anggapoy makasanib ed mata to.

Probirbio 15:11

Amta na Katawan so anggan walad pasen a panaayaman da ray inaatey; panon sirin ya iyamut na too ed Dios iray kanunotan to.

Probirbio 23:5

Nayarin naandi lay kuartam diad sakey labat a kakirem, a singa nampayak tan ontikyab ya agila.

Probirbio 27:19

Say dilin anino na lupam so nanenengneng mod danum tan say dilin inkasika so nanengneng mod pusom.

Ecclesiastes 1:8

Amin a bengatla mansusumpal ed kapagaan—kapagaan ya ag nayarin ibalikas. Ag napepenek so mata ed inenengneng to; ag met napepenek so layag ed idedengel to.

Ecclesiastes 4:8

Walay sakey a toon mambibilay a bukbukor. Anggapoy anak to, odino say agi to, balet ag ontotondan mankimey; ag balut napepenek ed walan kayamanan to. Ag to anggan tetepeten ed sikaton dili no siopay kipaakaran na pansasagput to, tan ag to anggan manliliket. Sakey met yan andi-kakanaan, tan makapasinagem a panagbilay.

Ecclesiastes 6:7

Mankimey so too pian walay tagano to, balet siansian ag napenek.

Isaias 5:14

Narasan na bangkay da so pasen a panaayaman da ray inaatey. Isasangi ton maung so songut to. Aakmunen to ray totoon atatagey so kipapasen da, a pati saray maingal a karaklan.

Jeremias 22:17

Balet, sika, anggapoy arum a pampipilalekan mo no ag say pankaabigan mon dili; papateyen mo ray anggapoy kasalanan, tan maruksay pamapairap mod saray totoom. Say Katawan so nansalita.

Habacuc 2:5

Makapalikdo so kayamanan. Mapaatagey tan ag mampapainawa iray totoon maagom—ag iran balut napepenek a singa say patey. Kanyan ag ira ontotondan manakep na saray bansa tan saray totoo, pian nagamuran day labalabay da.

Aggeo 1:9

“Nanilalo kayon makaani na dakerakel, balet dagdaiset so naani yo. Et nen insempet yo ray naani yo intitikyab ko ra. Akin et onmay ginawak? Lapud apaolyan ya aderal-deral so Timplok; inarap yon kikimeyan so dilin kaabungan yo.

1 Juan 2:16

Amin a bengatlan walad mundo—saray maoges a pilalek na too, saray labalabay a nengnengen tan alaen na totoo, tan amin a bengatla diad mundo ya ipapasirayew na totoo—nanlapu ra yan amin ed mundo. Anggapoy anggan sakey ed saraya so nanlapud Ama.