Probirbio 26:24 - Maung A Balita Biblia

²⁴ Say toon mansimpisimpitan isasanib tod saray makapalikdon salita to so pambosul to.

Maung a Balita Biblia

²⁴ Say toon mansimpisimpitan isasanib tod saray makapalikdon salita to so pambosul to.

Probirbio 26:24 Iomraidhean Croise

Genesis 34:13

Saramay lalakin anak nen Jacob et inebatan day marakep si Sikem tan si ama to, balet walad kanunotan dan palikdoen da ra lapud agawa ed kinen Dina ya agi ra.

2 Samuel 13:26

Balet inkuanen Absalom, “Sigi sirin, anggan si Amnon labat so abuloyan yon onla.” “Akin et sikato?” tepet na ari.

2 Samuel 13:27

Balet mapilit si Absalom, kanyan inmabuloy si David a pilaen toy Amnon tan amin da ni ray arum a lalakin anak to. Namparaan si Absalom na panangan a manepeg a para ari,

2 Samuel 20:9

Inkuanen Joab ed kinen Amasa, “Antoy bilay, kaaro?” insan to binembenan ed kawanan a lima to so balbas nen Amasa, ta anguban to.

Nehemias 6:2

Impaibaga di Sanbalat tan Gesem a banaen ko rad sakey a bario diad Patar na Ono, ta labay da ak a pitongtongan. Balet say gagala dad saya et say pangabil dad siak.

Saray Salmo 12:3

Patondam pa lan amin iray managpalikdon dila, Katawan! Pepetan mo ray mapasirayew a sangi a kuanda,

Saray Salmo 28:3

Ag mo ak pa pidudusad saray totoon maoges, totoon managgaway kaogsan— saray totoon maung so pitotongtong dad kapara ran too, balet walay bosul ed kapusoan da.

Saray Salmo 41:6

Ag napanmatalkan iray ondadalaw ed siak; mantitipon ira na saray maoges a balitan nipaakar ed siak, insan da ibabawag ed inerman a pasen.

Probirbio 10:18

Matila so toon iyaamut toy panagbosul to. Makulang-kulang so toon managtalabutob.

Probirbio 11:1

Kabosul na Katawan so masaol a simbangan, balet maliket ed dugan simbangan.

Probirbio 12:17

No ibagam so katwaan, nagawa so katonungan, balet no saray tila, mansusumpal ira ed pakapikewet na katonungan.

Probirbio 12:20

Panamalikdo so walad kanunotan da ray manggegetman manggaway kaogsan, balet liket so nagamuran da ray manggagaway kamaungan.

Probirbio 12:5

Matwa so gawaen ed sika na saray totoon maptek; pamalikdo labat so labay a gawaen ed sika na saray totoon maoges.

Probirbio 14:8

Akin et makabat so toon masilib? Lapud amta to no antoy gawaen to. Akin et ambagel so toon makulang-kulang? Lapud nunonoten to labat a walay amta to.

Probirbio 23:7

“Sigi, mangan ka labat,” kuanto, anta kukuanto labat. Say petepeteg ya inkatoo to et say walad kanunotan to.

Jeremias 9:4

Say balang sakey nepeg a manalwar ed anggan kaaro to, tan ag napampiaan na anggan siopa so agi to; ta managpalikdon singa si Jacob so balang agi, tan papaogesen na balang sakey iray kakaaro to.

1 Samuel 18:17

Insan inkuanen Saul ed kinen David, “Niay Merab, say anak kon sankapangulowanan a bii. Iter kod sikan asawaen mo, dapot no masebeg tan matoor kan sondalo a manlingkur ed siak, tan milaban kad saray bakal na Katawan.” (Ginawa ya nen Saul, ta abaloan ton diad onya napatey na saray Filisteo si David, et aliwa lan sikaton dili so mamatey.)