Probirbio 25:28 - Maung A Balita Biblia

²⁸ No ag mo napokpokay sikan dili, singa ka siudad a mainomay a dogpaan lapud anggapoy padir to.

Maung a Balita Biblia

²⁸ No ag mo napokpokay sikan dili, singa ka siudad a mainomay a dogpaan lapud anggapoy padir to.

Probirbio 25:28 Iomraidhean Croise

2 Saray Awaran 32:5

Pinabiskeg na ari so siudad diad impangapiger tod padir, impamaalagey tod saray tori ed tapew na padir, tan impamaalagey to na kumadwan padir ed bandad paway. Inapiger to met imay pasen a tinabonan diad nibokig na daan a parti na Jerusalem, tan nampapagawa na amayamay a pika tan samper.

Nehemias 1:3

Imbaga rad siak a baleg so paniirap da ray akaligtar tan akapawil lad baley da; memelag-melagen met ira na saray totoon sangkaili a manaayam ed kaliber-liber da. Imbaga ra met ed siak ya ageba ni ray padir na Jerusalem tan ag ni apasimbalon nipaalagey iray puirtan apoolan.

Probirbio 16:32

Magmaung niy toon maanos nen say toon makapanyari. Magmaung niy toon dadangkaan toy sikaton dili nen say toon ooleyan toy intiron siudad.

Probirbio 19:18

Petek mo ray anak mo no ogogaw ni ra, legan a nayarian da niy ibangat. No andi, tutulongan mo ran maneral ed sikaran dili.

Probirbio 19:19

No mapetang so olo na sakey a too, paolyan mod pansumpalan to. No agwaten mon maminsan ed gunigon, nakaukolan a gawaen mo lamet.

Probirbio 22:24

Ag ka mikakaaro ed saray totoon mapetang na olo tan maruksa,

1 Samuel 20:30

Ampetang so olo nen Saul ed kinen Jonatan tan kuantod sikato, “Anak kay maoges tan mananumpan bii! Amtak la natan a pipilaan moy David, tan papabandayen moy sikan dili tan si inam!

1 Samuel 25:17

Nudnunot mo ya natan sirin no antoy nepeg yon gawaen. Nayarin maoges so nagawad amo mi tan say intiron pamilya to. Maonganget, kanyan anggapoy dengelen to!”