Probirbio 25:25 - Maung A Balita Biblia

²⁵ Say pakadngel na maung a balitan manlapud arawin pasen et singa iyinom na ambetel a danum no sikay napgaan.

Maung a Balita Biblia

²⁵ Say pakadngel na maung a balitan manlapud arawin pasen et singa iyinom na ambetel a danum no sikay napgaan.

Probirbio 25:25 Iomraidhean Croise

Genesis 45:27

Balet nen asalita rad sikaton amin iray imbaga nen Jose ed sikara, tan anengneng to ra may kariton ya impaawit nen Jose a loganan to, kinmasil so liknaan to.

2 Samuel 23:15

Sinmabid kinen David so pakakailiew kanyan inkuanto, “Wala komuy makapangiter ed siak na danum a nanlapud bobun a walad abay na puirtay Betlehem.”

Saray Salmo 63:1

O Dios, sikay Dios ko, tan pampipirawatan ta ka. Sika so pampipilalekay intiron inkatook; say kamarerwak so napnapgaan ed sika, a singa naksawan, amagaan, tan kinmelang a dalin.

Exodo 17:6

Manalagey ak ed arap mo diad tapew na sakey a baton-dampay ed palandey na Sinai. Pekpek mo so baton-dampay, et ompaway diman so danum ya inomen na saray totoo.” Ginawa nen Moises imay imbaga na Katawan diad arapan na saramay pangulo na Israel.

Probirbio 15:30

Saray makakaimis a lupa pagmamaliwen da kan maliket, tan say maung a balita pagmamaliwen ton maung so liknaan mo.

Probirbio 25:26

Say maung a too ya ontotombuk ed labay na toon maoges et aliling toy akilotan a sobul odino adotakan a bobun.

Isaias 52:7

Agaylay abig a nengnengen so ibabaki ya onsasabin bebeltangen toy kapalandeyan a taruk toy maung a balita, say balita na kareenan! Ibabawag toy pananalo tan kuantod Sion, “Ari so Dios mo!”

Isaias 55:1

Say Katawan kuanto, “Dago kayo, amin yon napgaan—niay danum! Dago kayo, sikayon anggapoy kuarta— manaliw kayoy trigo tan mangan kayo! Dago kayo! Manaliw kayoy alak tan gatas— anggapoy nepeg yon bayaran!

Jeremias 18:14

Nanaandian ta na yilo iray mabaton niatagey a pasen ed Libano? Nanaekatan kasi ray ambetel a kolus ed palandey to?

Nahum 1:15

Bantag yo, onsasabid kapalandeyan so sakey ya ibabakin sankaawit toy maung a balita! Wala lad dalan a mangibawag na pananalo! Totood Juda, silibraan yo ray pista yo tan iter yoy sinambaan yon iter ed Dios, ta ag lan balut nalooban na saray totoon maoges so dalin yo. Sigput la ran aderal!

Juan 7:37

Diad kaonuran tan manona ya agew na pista, inmalagey si Jesus tan kuantod maksil a bosis, “Siopamay napgaan nepeg toy ondagod siak tan oninom.

Saray Taga Roma 10:15

Tan panon a makapampulong iray Maung a Balita, no ag ira imbaki? Onung na ibabagay Masanton Sulat, “Agaylay abig a nengnengen so isabi da ray managpulong na Maung a Balita!”

1 Timoteo 1:15

Niay sakey a katwaan a nepeg ya awaten tan sisiaen na amin: linma diad mundo si Cristo Jesus a mangilaban ed saray makasalanan. Siak so sankaogsan ed sikara,

Josue 22:33

Aliketan iray Israelita tan inggalang day Dios. Ag da la nantotongtongan so iyakar dan mibakal pian naderal day dalin a panaayaman na saray totoo na Ruben tan Gad.

Puyan 21:6

Inkuanto nid siak, “Asumpal la! Siak so Alpha tan say Omega, say gapo tan say samput. Siopamay napgaan itdan ko na anggapoy bayar a danum a manlapud sobul na danum na bilay.

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.