Probirbio 25:23 - Maung A Balita Biblia

²³ No panoy pangitataruk na dagem a nanlapud baybay ed oran, ontan met so pangitataruk na panagtalabutob ed pasnuk.

Maung a Balita Biblia

²³ No panoy pangitataruk na dagem a nanlapud baybay ed oran, ontan met so pangitataruk na panagtalabutob ed pasnuk.

Probirbio 25:23 Iomraidhean Croise

Say Libro nen Job 37:22

Nanenengneng ed baybay so binmalituk a liwawa, tan papatakoten itayo na kagalangay Dios.

Say Libro nen Job 37:9

Manlalapud abalaten so mabiskeg a dagem, tan manlalapud baybay so ambetebetel a dagem.

Saray Salmo 101:5

Paarawien koy siopaman a beneg-benegan a mamapaoges ed kapara ton too; ag ko anosan so too a mapaatagey tan malastug.

Saray Salmo 15:3

tan ag to papaogesey kapara ton too. Ag manggagaway maoges ed saray kakaaro to, tan ag mangikakayat na tila nipaakar ed kapara ton too.

Saray Salmo 35:16

Panngilngiletan da ak lapud pamobosul da; singa ra totoon mambabalaw ed lopuy.

Probirbio 26:20

Naerep so apoy no naoput lay kiew; ontonday kolkolan no anggapo lay pantatalabutoban.

Saray Taga Roma 1:30

managderal na kagalangay kapara ran too, managbosul ed Dios, managpabaing, mapaatagey, mapasirayew, managanap na balon kaogsan a gawaen da, benger irad atateng da.

2 CORINTO 12:20

Mapaga ak, ta ag la pigan no onla ak ditan, et narumog kon nidoma kayod labay kon kipapasen yo tan nidoma ak ed labay yon kipapasen ko. Ompano narumog kon walay pankokolkolan, paniimonan, pampepetangay olo, pansisibletan, pampapaogesan, pantatalabutoban, pampapaatageyan, tan panggogolowan.