Probirbio 24:31 - Maung A Balita Biblia

³¹ Napno ra na saray masabit a tanaman tan saray dikarika. Ageba ray padir ed kaliber-liber da.

Maung a Balita Biblia

³¹ Napno ra na saray masabit a tanaman tan saray dikarika. Ageba ray padir ed kaliber-liber da.

Probirbio 24:31 Iomraidhean Croise

Say Libro nen Job 30:7

Maneeyag irad kalawakan a singa saray ayayep tan nambubuntonan irad silong na saray abeban kiew.

Say Libro nen Job 31:40

aliwan say trigo tan say sibada komun so ontubo, no ag ingen saray dika tan saray kasabitan.” Dia nansamput iray salita nen Job.

Probirbio 13:4

Say toon mangiras ag to nagamuray pampipilalekan to, balet say makoli nagamuran toy amin a labay to.

Probirbio 19:23

Pagalangan moy Katawan, et nawalaan kay andokey a bilay, apenek, tan arawid kaatapan.

Probirbio 20:4

Say mangiras a dumaralus ya ag mambaka no panaon na panagtanem anggapoy anien to no panaoy panagani.

Probirbio 22:13

Say toon mangiras manaayam ed abung; ibabaraan to ya ompan pateyen na lion no ompaway.

Probirbio 23:21

Mansumpal irad kairapan na panagbilay iray bueken tan saray masisiba. No say gawaen mo et mangan tan onogip labat, ag mabayag ponasan so ikawes mo.

Probirbio 24:32

Ninengneng ko ya, dinalepdep ko, tan saya so naaralan ko:

Ecclesiastes 10:18

No say sakey a too et mangiras a mangapiger na atep na abung to, onterter insan nageba.

Isaias 5:5

“Onya so gawaen kod samay kaubasan ko: Baguten ko ray dikad kaliber-liber to, igebak iray padir a mangyaagel, tan abuloyan ko ray ayayep ed katakelan a mambuwag tan manggatin-gatin ed kaubasan ko.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Jeremias 4:3

Say Katawan kuantod saray totood Juda tan Jerusalem, “Baka yo ray ag ni abakan kaalogan yo; ag yo isisibwag ed kasabitan iray bini yo.

Mateo 13:22

Saramay ilik a dinmapod kasabitan aliling day salitay Dios a dedengelen na totoo, balet kabebekta dederalen na saray kapagaan na panagbilay tan say inkaagum ed kayamanan, kanyan ag ira mambunga.

Mateo 13:7

Saray arum ya ilik dinmapo rad dalin a tutuboay dikarikan masabit. Nen baleg la ra may dikarikan masabit, pinatey da ra may tinmubon ilik.

Saray Hebreo 6:8

Balet no satan a dalin et patutuboen to ray tantanaman a masabit tan saray dikarika, anggapoy kana to; kanyan asingger ya isamba na Dios tan napoolan.