Probirbio 24:20 - Maung A Balita Biblia

²⁰ Anggapoy maung ya arapen na toon maoges—naandi so antokaman a kawalaay ilalo to.

Maung a Balita Biblia

²⁰ Anggapoy maung ya arapen na toon maogesnaandi so antokaman a kawalaay ilalo to.

Probirbio 24:20 Iomraidhean Croise

Say Libro nen Job 15:31

No sikatoy makulang-kulang a manmatalek ed kaogsan anggapoy arum a nangunggona to no ag say kaogsan.

Say Libro nen Job 21:17

Amimpiga lan narep so lamparaan na saray maoges a totoo? Wala lay dinalan na deral ed sikara? Dinusa ta la na Dios ed pasnuk to iray totoon maoges,

Saray Salmo 11:6

Ipepelag toy ngalab tan mandarlang ya asupri ed saray totoon maoges; dusaen to ra na makasinit a dagem.

Saray Salmo 37:2

Ag mabayag naandipat iran singa karikaan a namamagaan; ompatey iran singa nalnes a mabunan tanaman.

Saray Salmo 9:17

Patey so pansumpalan na amin da ray totoon maoges, amin da ray mangipopolisay ed Dios.

Probirbio 13:9

Saray totoon matonung aliling day silew a marmarlang; saray totoon maoges aliling day makuykuyep a lamparaan.

Probirbio 17:20

Ag onaligwas so siopaman a toon mannununot tan mansasalitay kaogsan; kaderalan labat so pansumpalan to.

Probirbio 20:20

No isambam iray ateng mo, mansamput a singa lamparaan a naerep ed kabilongetan so bilay mo.

Probirbio 21:4

Say panagpaatagey tan say ag pangitaltalek so manooley ed saray totoon maoges; saya et kasalanan.

Probirbio 23:18

No onyay gawaen mo, maung so pansumpalan mo diad arapen a panaon.

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.

Mateo 25:8

Inkuanda ra may kulang na kalakal ed saramay makalakal, ‘Itdan yo kami pay larak yo, ta nanaerep la ray lamparaan mi.’

Mateo 8:12

Balet saray nepeg day walad Panarian et nibantak irad paway ya ambilbilonget, tan diman ira onakis tan onngayet iray ngipen da.”

Judas 1:13

Singa ra ankakabaleg a daluyon ed dayat a saray makapabaing a gawa so bora ra. Singa ra abalbalang a bitewen a nigana rad anggad anggan sankabilongetan a pasen.