Probirbio 24:12 - Maung A Balita Biblia

¹² Nayarin ibagam ya anggapoy pibabalim, balet amta na Dios iray getmam tan simbangen to ra. Say Dios a mamabantay ed sika amta toy peteg a nagagawa. Tumangan to ka onung ed gagawaen mo.

Maung a Balita Biblia

¹² Nayarin ibagam ya anggapoy pibabalim, balet amta na Dios iray getmam tan simbangen to ra. Say Dios a mamabantay ed sika amta toy peteg a nagagawa. Tumangan to ka onung ed gagawaen mo.

Probirbio 24:12 Iomraidhean Croise

Say Libro nen Job 34:11

Tutumangan to ray totoo ed saray gagawaen da, tan iiter tod sikaray kanepegan da.

Saray Salmo 121:3

Ag to iyabuloy a natumba ka; abangon lawas so manangyagel mo!

Saray Salmo 121:8

Iyagel to ka no onla kad laen mo tan no ompawil ka, natan tan anggad angga.

Saray Salmo 17:3

Sinokayan moy pusok. Dinago mo ak ed labi; sigput mo ak a sinubok, et anggapoy arumog mod siak a maoges a pilalek. Ag ak mansasalitay kaogsan

Saray Salmo 44:21

naamtaan mo la komun, ta kabat mo ray maamut a nunot mi.

Saray Salmo 62:12

tan ag mangoman so panangaro to. Sikan dili, O Katawan, so ontutumang ed balang sakey a too onung ed saray gawgawa to.

Saray Salmo 66:9

Pansiasiansiaen to tayon mabilay ya anggad natan, tan ag to itayo inabuloyan a napelag.

Saray Salmo 7:9

Matonung kan Dios tan sisintinsiaan moy kanunotan tan pilalek mi. Patondam pay kaogsan da ray totoon maoges tan tumangan mo pa ray maung a totoo.

Saray Salmo 94:9

Pinalsa na Dios iray layag tayo—ag to makadngel? Pinalsa to ray mata tayo—ag to makanengneng?

Probirbio 12:14

Saray salita tan gawgawa na too so pakatumangan to; say manepeg ed sikato so nagamuran to.

Probirbio 16:2

Nayarin abaloan mo a maptek ya amin so gagawaen mo, balet say Katawan sisintinsiaan to ray gagalam.

Probirbio 21:2

Nayarin abaloan mon maptek iray gagawaen mo, balet nunot mo a sisimbangen na Katawan iray getmam.

Probirbio 5:21

Sankanengneng na Katawan ya amin iray gagawaen mo. Bambantayan to ka ed inermay laen mo.

Probirbio 5:22

Sakey a patit iray kasalanan na maoges a too. Naerel so maoges a too ed iket na dilin kasalanan to.

Ecclesiastes 5:8

Ag mo pankelawan no nanengneng mon papairapen na gobirno iray mairap-bilay tan ag to iter ed sikara so katonungan da tan say kanepegan da. Ta balang opisyal iyaagel na opisyal ya atagey nen say sikato, tan iyaagel iran dua na saray opisyal ya atagtagey nen say sikaran dua. Say ari so sankatageyan ed amin ya opisyal tan napanoleyan toy amin a dalin a sakop to.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Jeremias 32:19

Manggagawa ka ray planon napnoy kakabatan tan saray matalonggaring a bengatla; sankanengneng mo ray amin a kabibilay na saray totoo, tan tutumangan mo ra onung na gawgawa ra.

Saray Tagleey 3:36

Amta to no napipikewet ed korti so katonungan.

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Mateo 16:27

Ta onsabiy Anak na Too a walad sikatoy pakayari na Ama to, tan kaiba to ray anghil to. Diad satan met a bekta so pambayar tod balang too, onung ed gawgawa to.

Saray Gawgawa 17:28

ta ‘Walad sikatoy bilay, igagalaw, tan inkatoo tayo.’ Onya met so labay ya ibaga na saray managanlong yo nen inkuanda, ‘Anak to itayo met!’

Saray Taga Roma 2:16

Onung ed Maung a Balitan ipupulong ko, onyay nagawa no onsabiy Agew sano: say Dios, diad panamegley nen Jesu-Cristo, sintinsiaan toy amin a maamut a kanunotan da ray katoowan.

Saray Taga Roma 2:6

Ta iter na Dios ed balang too so kanepegan to, onung ed saray ginagawa to.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

2 CORINTO 5:10

Ta onarap tin amin ed panagsintinsiaan nen Cristo. Balang sakey ed sikatayod satan mangawat na kanepegan to, onung ed ginagawa to, maung o maoges, diad sayan bilay.

Puyan 1:18

Siak so mabilay! Inatey ak balet, nengneng mo, mabilay ak ya anggad angga. Walad silong na pakayarik so patey tan say Hadis.

Puyan 2:18

“Isulat mod anghil na iglisiad Tiatira: “Sikato yay ibabagay Anak na Dios a saray mata to et mandarlang a singa apoy, tan saray sali to et singa pinasileng a gansa.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Puyan 22:12

“Dengel kayo!” kuanen Jesus. “Onsabi ak lan magano! Awiten ko ray tumang ya iter kod balang sakey, onung ed ginagawa to.

1 Samuel 16:7

Balet inkuan na Katawan ed sikato, “Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.”

1 Samuel 2:3

Itonda yo lay makmaknul a panagpasirayew yo; ag ki la mampapasirayew ed saray panagsalita yo. Ta say Katawan et sakey a Dios a makapikabat ed amin, tan sintinsiaan toy amin a gawgawa na katoowan.

1 Samuel 2:6

Say Katawan mamatey tan mamabilay; ibaki tod pasen a panaayaman da ray inaatey iray totoo, tan agwaten to ra.

1 Samuel 25:29

No walay ondogpad sika tan labay to kan pateyen, say Katawan a Dios iyarawi to kad kaatapan, a singa pambantay na sakey a too ed mablin kayamanan. Ibasileng na Katawan iray kalaban mo, a singa pangipalsut na sakey too ed saray bato.