Probirbio 23:9 - Maung A Balita Biblia

⁹ Ag mo sasalien a salitaen ed toon makulang-kulang so nipaakar ed pangikanay olo; ta balawen to labat so ibagam.

Maung a Balita Biblia

⁹ Ag mo sasalien a salitaen ed toon makulang-kulang so nipaakar ed pangikanay olo; ta balawen to labat so ibagam.

Probirbio 23:9 Iomraidhean Croise

Probirbio 1:7

Pian nawalaan kay pakatalus, nepeg mon galangen ya onona so Katawan. Saray makulang-kulang babalawen da so kakabatan tan ag da labay so manaral.

Probirbio 14:7

Arawian mo ray totoon makulang-kulang; anggapoy nibangat dad sika.

Isaias 36:21

Ag inmeseesel iray totoo, onung na ingganggan ed sikara nen Ari Ezekias; ag met ira anggan inmebat.

Mateo 7:6

“Ag yo iiter ed saray aso so bengatlan masanto, ta poliktaran tan ketketen da kayo. Ag yo met ibabantak ed saray baboy iray alahas yo, ta gatingatinan da ra labat.”

Lucas 16:14

Nadngelan na saray Pariseo ira yan amin, et nilemlemew day Jesus ta maagum irad kuarta.

Juan 10:20

Dakel ed sikaray angibaga, “Inaponay dimonyo! Ambagel! Akit dedengelen yo?”

Juan 8:52

Inkuan da ray Judio ed sikato, “Ag kami la manduaruwa natan ya inaponan kay dimonyo! Inatey si ama min Abraham tan saray propita, balet ibabagam, ‘Say mangonur na salitak ag balut ompatey.’

Juan 9:40

Nadngel na pigaran Pariseo si Jesus nen imbaga to ya, kanyan tinepet dad sikato, “Say labay mon ibaga, bulag kami met sirin?”

Saray Gawgawa 17:18

Akisangsangan met ed saray maistron Epicureo tan Estoico. Inkuan na pigarad sikara, “Anto tay labay ton ibaga yan manmaung-maungan a too?” Inkuan met na saray arum, “Sakey amon managpulong nipaakar ed saray arum a diriyos.” Imbaga ra ya, ta nampupulong si Pablo na nipaakar ed kinen Jesus tan say kiolid bilay.

Saray Gawgawa 17:32

Nen nadngel day Pablo ya angibagay nipaakar ed kiolid bilay, niludlurey na pigarad sikara. Balet inkuay arum, “Labay mi ka lamet a dengelen nipaakar ed saya.”