Probirbio 23:4 - Maung A Balita Biblia

⁴ Makabat ka no ag ka mankekesaw na alabas ed pampapayaman mo.

Maung a Balita Biblia

⁴ Makabat ka no ag ka mankekesaw na alabas ed pampapayaman mo.

Probirbio 23:4 Iomraidhean Croise

Say Libro nen Job 27:19

Onogip a mayaman no maminsan a labi, et kabangon tod kabwasan anggapo lay kayamanan to.

Probirbio 15:27

Say toon masaol mangiiter na gunigon ed pamilya to. Ag ka mangaawat na pasoksok, et andokey so bilay mo.

Probirbio 26:12

Say toon makulang-kulang et magmaung niy kipapasen to nen say toon ipapasen toy sikaton dili a makabat anta andi.

Probirbio 27:24

ta ag mansiasia so kayamanan. Anggan saray bansa ag ira mansiansia.

Probirbio 28:20

Saray totoon maptek mambilay ira a nagnap so liket da. No maganat kan onyaman nadusa ka.

Probirbio 3:5

Manmatalek ka ed Katawan diad intiron pusom. Ag ka manmamatalek ed dilin pakatalus mo.

Probirbio 3:7

Ag mon balut ipapasen a makabat ka nen say peteg a kakabatan mo; takotan moy Katawan, tan ag ka mangagaway kaogsan.

Ecclesiastes 5:13

Saya niy makapasinagem a kaogsan ya anengneng kod sayan mundo; saray katoowan mantitipon ira na kayamanan ya ikana ra ed panaon a pankaukolan da.

Isaias 5:21

Pakaskasi kayo la! Ipapasen yoy sikayon dili a makabat, mapalalon marunong a talaga.

Jeremias 9:22

Ataytayak iray bangkay na saray totoo, singa ra nikaykayat a tai na ayayep ed kaalogan, singa ra ginapas tan intilak na saray umaani, tan anggapoy manipon na ilik. Sikato yay papaibaga na Katawan ed siak.”

Mateo 6:19

“Ag kayo mantitipon na kayamanan diad dalin para sikayon dili, ta nayarin deralen na bokbok tan lati, o natakew ni.

Marcos 4:19

balet deralen ira na saray kapagaan na panagbilay, say inkaagom ed kayamanan, tan say alablabas a pampirawat ed arum ni ran bengatla; kanyan ag ira mambunga.

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.”

Saray Taga Roma 11:25

Agagi, walay sakey a niamut a katwaan a labay kon ipaamtad sikayo, pian ag yo ipasen a makabkabat kayo. Say inkaawet na puso da ray Israelita et mansamput la no inmasingger lad Dios so nagnap a bilang da ray Hintil.

Saray Taga Roma 12:16

Pampapara yoy panangaro yod amin a too. Ag kayo mapaatagey, no ag ingen mikaaro kayod saray mapaabeba. Ag yo ipapasen a makabkabat kayo.

Saray Hebreo 13:5

Nepeg ya aliwa kayon lupay kuarta, tan pasarag yoy walad sikayo. Ta inkuay Dios, “Ag ta kan balut paolyan o taynan.”