Probirbio 23:10 - Maung A Balita Biblia

¹⁰ Ag mon balut iyaalis so daan a ketegan, odino sasakopen so dalin da ray olila.

Maung a Balita Biblia

¹⁰ Ag mon balut iyaalis so daan a ketegan, odino sasakopen so dalin da ray olila.

Probirbio 23:10 Iomraidhean Croise

Say Libro nen Job 22:9

Ag mo tinulongan iray balon bibii a sinmisingger ed sika; tinatakewan tan pinapairap mo ray olila.

Say Libro nen Job 24:9

Saray totoon maoges pagmaliwen dan aripen iray ogogaw ya olilad ama, tan alaen da ray anak na mairap-bilay a pinagkabayar na pautang da.

Say Libro nen Job 6:27

Sarag yon ilako iray anggan olila tan payamanen so sikayon dili diad panluko yod saray malet a kakaaro yo.

Saray Salmo 94:6

Papateyen da ray balon bibii, saray olila, tan saray sangkailin manaayam ed dalin mi.

Exodo 22:22

Ag yo papairapen so siopaman a balon bii odino siopaman ya olila.

Probirbio 15:25

Deralen na Katawan so kaabungan na saray totoon mapaatagey, balet iyagel toy kayamanan na saray bibiin balo.

Probirbio 22:28

Ag mon balut iyaalis so daan a ketegan ya impasen na saray lalakim.

Jeremias 22:3

“Siak, say Katawan, igaganggan kod sikayo a manggawa kayoy kaptekan tan katonungan. Iyagel yoy toon nasasaol ed lima na manasaol ed sikato. Ag yo panggagawaay makapoy o papairapen iray sangkaili, saray olila, odino saray balon bibii; ag yo papateyen ed sayan masanton pasen iray totoon anggapoy kasalanan.

Jeremias 7:5

“Pasimbalo yoy panagbilay yo tan tondaan yo ray gagawaen yo. Matonung komuy panoolup na sakey tan sakey ed sikayo.

Jeremias 7:6

Tondaan yoy panamairap yod saray sangkaili, saray olilan sigput, tan saray balo. Tondaan yoy panagpatey yo diad sayan dalin na saray totoon anggapoy kasalanan. Tondaan yoy panangigalang yod saray arum a diriyos, ta deralen to kayo.

Zacarias 7:10

Ag yo papairapen iray balo, saray olila, saray sangkailin manaayam ed dalin yo, odino siopaman a walad pankaukolan. Tan ag kayo mannununot a manggaway maoges ed siopaman.’

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Deuteronomio 19:14

“Ag yo iyaalis so ketegan na kaabay yo, ketegan ya abaybayag lan nipasen ed dalin ya iiter ed sikayo na Katawan a Dios yo.

Deuteronomio 27:17

“‘Napelag komun so samba na Dios ed siopaman a mangyalis na mohun na dalin na kaabay to.’ “Insan onebat iray amin a totoo, ‘Amen!’

Santiago 1:27

Say rilihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.