Probirbio 22:29 - Maung A Balita Biblia

²⁹ Ipanengneng mod siak so toon maung so kimey to, et ipanengneng kod sikay toon daeg to ray karaklan tan manepeg a kaiba na saray arari.

Maung a Balita Biblia

²⁹ Ipanengneng mod siak so toon maung so kimey to, et ipanengneng kod sikay toon daeg to ray karaklan tan manepeg a kaiba na saray arari.

Probirbio 22:29 Iomraidhean Croise

Genesis 41:38

tan inkuantod sikara, “Anggapo lay naalmo tayon magmaung a too nen say si Jose, ta walad sikato so ispiritu na Dios.”

Genesis 47:6

tan walad silong na pakayarim so intiron dalin na Egipto, panayam mo rad Gosen a sankamaungan a parti na bansa. No wala ra bilang so lalakin marunong a mankomponiy ayep, ipasen mo ran inkargado ed saray dilin ayayep ko.”

2 Samuel 2:32

Inala nen Joab tan saray totoo to so bangkay nen Asael tan impompon dad lobuk nen ama to diad Betlehem. Insan sanlabi ran nanakar et diad palbangon akasabi rad Hebron.

1 Saray Arari 10:8

Mapalar iray asawam! Mapalar iray aripen mo, a wala ra lawas ed arap mo tan narerengel day kakabatan mo!

1 Saray Arari 11:28

Wala nid kalangweran si Jeroboam tan walay ibabaga ton too. Nen naimano nen Solomon so inkakoli to, ginawa ton makaoley ed amin da ray pinasoot a mankimey diad lugar da ray tribu di Manases tan Efraim.

1 Saray Awaran 4:23

Nanayam irad saray baley na Netaim tan Gedera; manlilingkur irad ari diad panggagawa ray banga.

Probirbio 10:4

Say ngiras pagmaliwen to kan mairap, balet say koli pagmaliwen to kan mayaman.

Probirbio 12:24

Say toon makoli nawalaan na pakayari; say toon mangiras magmaliw ya aripen.

Probirbio 23:1

No mirongo kad toon atagey so kipapasen to, ag mo lilingwanan no siopay karongom.

Ecclesiastes 9:10

Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Daniel 1:19

Akitongtong ed sikaran amin imay ari, et nalmoan ton matalona nen saray arum ira di Daniel, Ananias, Misael, tan Azarias. Kanyan nagmaliw ira a kabyangan na saray opisyal ed palasio.

Daniel 1:4

Nepeg a guapo ra, maung iran impanolo, maung so inkapasal da, masiglat iran manaral, tan anggapoy antokaman a deral na laman da, pian manepeg iran manlingkur ed palasio. Si Aspenaz so nambangat ed sikara a mambasa tan mansulat na salita da ray taga Babilonia.

Mateo 25:21

Inkuanto may amo, ‘Maabig so ginawam, maung tan matoor ya aripen! Lapud napampiaan kad melag a kantidad, ipiak ed sikay baleg a kantidad. Gala, ta miliket kad amom!’

Mateo 25:23

Inkuanto may amo ‘Maabig so ginawam, maung tan matoor ya aripen! Lapud napampiaan kad melag a kantidad, ipiak ed sikay baleg a kantidad. Gala, ta miliket kad amom!’

Saray Taga Roma 12:11

Mankoli kayo tan ag kayo onngingiras. Ipapuso yoy panaglingkur yod Katawan.

2 Timoteo 4:2

ipulong moy salitay Dios, ipasoot mon ibaga ed anggan anton oras; mananggoyur, mamasnuk, manimbawa, tan mananos kan mambangat.

1 Samuel 16:21

Linmay David ed kinen Saul tan nilingkuran to. Labalabay nen Saul tan pinili ton umaawit na saray armas to.

1 Samuel 17:31

Nadngel na pigaran totoo so imbaga nen David insan da imbagad kinen Saul. Impatawag nen Saul si David.