Probirbio 21:14 - Maung A Balita Biblia

¹⁴ No walay mamapasnuk ed sika, say rigalon niiter a maamut pakepaen toy pasnuk to.

Maung a Balita Biblia

¹⁴ No walay mamapasnuk ed sika, say rigalon niiter a maamut pakepaen toy pasnuk to.

Probirbio 21:14 Iomraidhean Croise

Genesis 32:20

‘On, say aripen yon Jacob et wadtad bandad onur.’” Inisip nen Jacob a diad pangiter to na rigalo napakepa toy pasnuk nen Esau, tan no naabet to, pirdonaen da.

Genesis 43:11

Inkuanen ama ra, “No ontan so nepeg a nagawa, onyay gawa yo sirin: Mangawit kayoy sankamaungan iran bungay dalin, ikarga yod saray balkut yo, tan irigalo yo rad satay gobirnador: pigaran pasas, daiset a dilo, saray rikado, alponsigo, tan almindra.

Probirbio 17:23

Saray maoges a huis mangaawat ira na maamut a pasoksok; napikewet ed satan so inkatonung.

Probirbio 17:8

Walay totoon abaloan da a singa salamangka so gagawaen na pasoksok; sisiaen dan nagawaan toy amin a bengatla.

Probirbio 18:16

No labay mon napiarapan so toon atagey so kipapasen, iyawitan mo na rigalo.

Probirbio 19:6

Labay na balang sakey so mangala na abig-linawa na toon atagey so kipapasen; ipapasen na balang sakey a kaaro to iray totoon mangiiter na abig-linawa.

1 Samuel 25:35

Insan inawat nen David iray awit to tan kuantod sikato, “Sempet ka la tan ag ka mapaga. Gawaen koy labay mon nagawa.”